Lautem-(Lafaek News)—Governu Korea liu husi Global Civic Sharing (GCS), fo ajudus umanitária ba povu kbiit laek sira iha munisípiu Lautém realsiona ho pandemia Covid 19, ne’ebé afeita mai too Timor-Leste.
“Ho nune’e global Civic Sharing hamutuk ho duadór KOICA iha Timor-Leste fo ona ajudus barak relasiona ho pandemia ne’e, parte ida hanesan esforsu povu Korea nian iha Timor hodi kombate lisuk surtu covid 19 ne’e,” responsavel Staff GCS, Constantino da Costa, ba lafaek news iha munisípu Lautém, sesta semana ne’e.
Constantino da Costa, hateten ajudus ne’ebé sira fahe ba komunidade kbiit laek sira mak hanesan foos, mina no super mie ho razaun ida atu responde netik nesesidade sidadaun sira tempu atake pandemia covid-19 ne’e.
Entretantu, kbiit laek sira ne’ebé GCS fahe nesesidade bázika ba ne’e hamutuk 246 kompostu husi postu administrativu Lospalos ema na’in 186, postu administrativu Lautém ema na’in 76, osan ne’ebé GCS gastus hodi sosa material no nesesidade báziku hamutuk $. 13 mill resin.
Material ba prevensaun covid-19 mak hanesan máskara 8.230, hand sanitizer 182 ho termuskener 82, atu fasilita populasaun sira oinsá bele kombate pandemia covid-19.
Jornalista : CE Lautém
Editora : Nelya Barros
