Lafaek News— Udan foin lalais lokraik Minutu 30 liu ba (29/11/2024), anin baku fiu liña Eletrisidade diresaun Tuana-Laran (Rudal) kotu rezultadu ahi lakan (konxlete) iha estrada laran kada minutu ahi moris, too agora tékniku (EDTL) seidauk normaliza.
Fiu (liña) ne’ebé kotu husi bessi-rin leten latan an iha estrada laran halo komunidade sira tauk inklui fo risku ba transporte públiku ne’ebé movimentu iha area refere.
Entretantu, fiu liña eletrisidade ne’e kotu impaktu husi anin huu ai-tohar latan-an iha fiu tolu ne’ebé enerjia ativu, hamosu ahi lakan husi ai matak ne’e too ahi moris haan fiu ida klaran kotu latan an iha estrada laran ne’ebe bokon hodi hamosu ahi moris.
Feliberto Fernandes nudar sasin husi akontesimentu ne’e haktuir ba lafaek news katak, udan foin lalais akompania ho anin ho vilosidade makas konsege hatohar ahi sanak matak tohar kahe iha fiu tolu ne’e nia leten hodi hamosu konxlete maka’as.
“Udan ida foin lalais ba kotuk ne’e mak ho anin entaun baku ai-tohar monu kedan ba fiu tolu ne’e nia leten, hamosu konxlete, tanba kona bee iha estrada laran,” Feliberto ba Lafaek News iha Tuana-Laran Dili foin lalais, sesta (29/11/2024).
Feliberto haktuir, fiu latan an iha estrada laran halo komunidade sira la’o ain tauk, tanba ahi moris derepente iha estrada, maibé kuaze liu oras ida parte tékniku husi EDTL too kedan iha fatin akontesimentu hodi normaliza foti kedan fiu iha iha estrada laran hodi halo normalizasaun.
Observasaun jornalista Lafaek News, durante oras ida komunidade ne’ebé la’o ain husi diresaun ne’e labele la’o, inklui hamosu engarafamentu tanba ahi lakan kada minute iha estrada laran ho lian tarutu hanesan ema tiru kainaun.
Ekipa Kobertura : Lafaek News
