Lafaek News–Klibur Estudante no Juventude suku Tapo/Memo-Oan (KLEJOTAMO), Posto Admnistrativu Maliana, Munisipiu Bobonaro, lamenta ho desizaun VIII governu ne’ebé atu muda postu ba munisipiu iha diskriminasaun.
Desizaun husi Governo liu husi Ministru Administrasaun Estatal, Miguel Pereira de Carvalho, ida ne’e ladun transparante no nakonu ho diskriminasaun ba Munisipiu seluk. Ami Estudante no Juventude lamenta duni desizaun ida ne’e tanba, MAE la halo peskiza ida maka klean liu, Postu Administrativu sai ba hetan Munisipiu. Dehan Porta voz KLEJOTAMO Moisés Vicente liu husi pres konferensia iha Memo Bobonaru, foin lalais nee.
Nia afirma, sira nia peskiza no monitorizasaun durante ne’e hatudu katak lamenta tebes desizaun husi VIII Governu Konstitusional nian liu husi Primeiru Ministru (PM), José Maria de Vasconcelos alias Taur Matan Ruak no Ministru Administrasaun Estatal Dr. Miguel Pereira de Carvalho katak Munisipiu seluk iha direitu atu hetan ka aumenta tan Posto Administrativu sai ba hetan Munisipiu, Suco ba Sai Posto Administrativu iha Timor-Leste.
Iha ne’e ami fó exemplu hanesan Munisipiu Dili hanesan Postu-Administrativu Ataúro sai ba Munisipiu, iha Munisipiu Ermera (Hatulia B) sai ba Posto Administrativu, no iha Munisipiu Lautem iha Lore sai mos ba Postu Administrativu,” nia deklara.
Tanba ne’e maka sira husi Klibur Estudante no Juventude Tapo/Memo-Oan, halo rekomendasaun ba VIII governu konstitusional maka hanesan tuir mai ne’e: Rekomenda Nai Primeiru Ministru, Taur Matan Ruak bele ka lae halo identifika didiak antes intrega Postu Administrativu sai ba hetan Munisipiu.
Tanba ita haree dadus husi Sensus 2010 no Sensus 2015 populasaun Munisipiu Bobonaro barak liu mos kompara ho munisipiu sira seluk iha Timor-Leste, rekomenda ba Ministru Estatal, Miguel Pereira de Carvalho foti dadus oinsa maka bele Postu Administrativu ida bele sai fali ba hetan Munisipiu ida,” Nia argumenta.
Rekomenda mos ba Ministru Estatal labele halo diskriminasaun ba Munisipiu sira seluk iha Timor-Leste. Se postu Administrativu Atauro hetan Munisipiu. Bele ka lae iha Munisipiu Bobonaro mos, Postu Administrativu sira Bobonaro laran hanesan Atabae, Maliana Vila, Lolotoe, Balibo, Caicalo no Bobonaro rasik. Razaun tanba Munisipiu Bobonaro mos Intelektual barak ona no nia populasaun mos barak katak Postu Administrativu ida-idak iha Munisipiu Bobonaro bele iha direitu atu hetan tan Munisipiu foun.
Rekomenda mos ba Ministru Estatal, antes atu intrega ba Postu Administrativu Sai ba Munisipiu diak liu halo uluk peskiza ka survey uluk, labele halo diskriminasaun ba povu Munisipiu ida ba Munisipiu seluk.
Rekomenda ba VIII Governu Konstitusional diak liu maka poder nasional ne’e diak liu intrega deit ba poder lokal, lao tuir ita nia Lei Inan Konstitusaun da RDTL nian haruka.
Tuir dadus Iha ne’ebé Munisipiu Bobonaro ho nia total populasaun 92,049 habitantes tuir dadus Sensus 2010 no total populasaun 97,762 habitantes tuir dadus Sensus 2015 nia. Ho Postu Administrativu 6, no total Suco 50.
Jornalista : Orlando Magno
Editor : Agapito de Deus
