Lafakek News—Maske governu fó sai ona katak labele halibur malu liu ema nain 10, maibé iha ámbitu distribuisaun Voucher Sesta Bázika iha Leader Hypermarket, benefisiáriu sira maioria dez-obedese distansiamentu sosial no la uza mascara.
Observasaun jornalista lafaek news iha fatin distribuisaun sesta bázika, komunidade mai simu sesta bázika forma iha filera ne’ebé laiha distánsia fíziku no la utiliza mascara hodi taka neik ibun hodi evita pandemia covid-19.
Maske nune’e, parte seguransa Polisia Nasional Timor Leste (PNTL) kontinua kontrola no obriga benefisiariu sira hodi kumpre dekretu governu ne’ebé iha, inklui ekipa husi Cruz Vermelha Timor Leste (CVTL) sigla protuges, kontinua partilla informasaun ba komunidade hodi manten no obedese ba estadu emerjensia dasiak nian atu bele halo prevensaun ba pandemia Corona Virus.
Alnde ne’e loja Leader Hypermarket mós prepara fasilidade bee sabaun ba benefisiáriiu sira bainhira atu simu sasan tenke fase liman tuir Organizasaun Saúde Mundial (OMS) nian. Husi observasaun ne’e nota katak, benefiasiriu ne’ebé asesu ba loja Leader Hypermarket hodi simu nia diretu ne’e husi aldeia Fomentu III, suku Komoro, postu-administrativo Don-Aleixo, Munisípiu Dili.
Enkuntu ligadu ho prevensaun surtu Covid-19, ne’e liuhosi reuniaun konsellu Ministru aprova ona projetu dekretu governu, ne’ebé aprezenta hosi Primeiru Ministru en ezersisiu José Maria dos Reis, kona-ba medida ba ezekusaun estadu emerjénsia nian ne’ebé renovadu hosi dekretu Prezidente Repúblika Nu. 73/2020 loron 30 fulan Dezembru hatán ba pandemic COVID-19.
Estadu emerjénsia ne’ebé agora renovadu abranje territóriu nasionál tomak no hahú vigor iha oras 00:00 loron 3 fulan Janeiru to’o tuku 23:59 kalan loron 1 fulan Fevereiru tinan 2021.
Dekretu governu ne’e rekomenda ba ema hotu ne’ebé la sujeita ba izolamentu obrigatóriu no ne’ebé la hala’o kualkér atividade profisionál atu marka prezensa iha servisu fatin tenke hela iha uma, bainhira la’o ain iha fatin públiku tenke la’o mesak no uza máskara no mantein distánsia fíziku pelumenus metru 1 hosi ema la’o ain sira seluk no evita halibur malu.
Ema hotu tenke nafatin mantein distánsia pelumenus metru 1 bainhira atu tama ba loja laran, fatin prestasaun servisu nian no mós iha fatin hirak ne’ebé pasajeiru hein transporte públiku atu tula pasajeiru, no ba ajente seguransa sira tenke sensibiliza ema hotu atu bele kumpre saida maka hatuur ona iha dekretu governu.
Kuandu ajente seguransa identifika ema ne’ebé la kumpre no hato’o keixa ba ministériu públiku kona-ba saida mak akontese, no ba ema sira ne’ebé viola sei assume responsabilidade kriminál tuir regra ne’ebé hakerek iha kódigu penal, tanba tuir kódigu penal artigu 244 kona-ba desobedensia, hatete katak ema ne’ebé la halo tuir mandadu lejítimu komunikadu regulamentu ne’ebé autoridade ka funsionáriu kompetente maka sei hetan pena prizaun tinan 3.
Jornalista : Pedro de Almeida
Editora : Nelya Barros
