RAEOA-(Lafaek News)-Autoridade lokal no lia-na;in aldeia Sifin, suku Usi-Tasae, postu administrative Oe-Silo, Abrão Poto, apresia tebes PERMATIL ho programa konservasaun bee matan liu husi kee debu.
Iha atividade kkee debu ne’e, autoridade lokál hamutuk ho lia-na;in suku Usi-Tasae hala’o serimónia ritual hodi hahú ke’e bee debu hodi konserva bee matan liu-liu iha tempu bailoron naruk.
“Ami kontente ho perma-kultural nia observsaun ba bee debu no ba bee matan tolu ho naran oelbambai, tanba durante ne’e ami nia bee menus no la iha hodi ami asesu ba bee, ne’ebé programa Permatil nian ne’ebé maka too ona iha ami nia aldeia hodi konservsaun ba bee debu,” afirma Abrão Poto, ba jornalista lafaek news iha aldeia Sifin, foin lalais.
Abrão fundamenta, objetivu ba konservasaun bee debu ne’e atu nune’e povuhotu hetan bee moos no bele moris iha ambiente suadável.
“Servisu ida ne’e komunidade sira iha aldeia Sifin maioria ho katuas no ferik sira kontente hodi kee debu, maibé klosan ladún fó nia esperansa ba servisu Permatil nian ba konservasaun be debu ne’e, no iha aldeia ida ne’e durante tinan barak ona la asesu ba bee moos, tanba bee la forsa hodi fo moris ba komunidade,” katak Abrão Poto.
Sorin seluk Ricardo Sufa, haktuir atividade ida ne’e di’ak tebes atu proteje ba erosaun husi udan ben ne’ebe maka estraga, bee ne’e labele ba mota no halo debu ne’e sai mosu fali ba bee matan hodi nune’e bele proteze ba bee matan sira.
“Programa Permatil ne’e ami hakarak atu hal’o kontinusaun no bainhira bee ne’e buras ita bele halo programa ita tan hodi dada ba komunidade sira hodi bele utiliza ba konsumidores sira nia hela fatin,” afirma
Jornalista : Aniceto D.S. Dias
Editora : Nelya Barros
