Lafaek News—Mota Ai-lele-hun suku Kamea postu administrativu Kristu-rei munisípiu Dili, husu governu kria fatin ba lixu nune’e evita komunidade sira labele soe lixu arbiru iha mota laran.
“Foer sira iha mota Mak hanesan ema nia hena, popok maka nakonu iha mota laran, nune’e udan boot mai sempre lori moras oi-oin ba ami iha suku Kameia,” lamenta komunidade, Ermegilda Guterres Xinenes ba jornalista lafaek news iha suku Kameia aldeia sesta semana ne’e.
Komunidade ne’e argumenta relasiona ho lixu ne’ebé nakonu iha mota laran iha tempu uda lori impaktu ba komunidade sira iha suku ne’e lori mós foer ba tasi.
Tanba ne,e husu ba governu atu haree fatin konstrui lixu hodi soe fo’er tuir nia fatin, tanba tinan barak ona mak komunidade suku Kamea laiha Fatin lixu.
“Ha’u hanesan komunidade husu ba governo bele tau lixu Ida iha ami nia aldeia ne’e hodi nune’e ami aldeia ai-lele hun bele tau fo’er tuir nia fatin tanba kareta sira mai suru fo’er la tama too ami nia aldeia,” nia sujera.
Jornalista : Sabina sancha.
Editora : Nelya Barros
