Likisá-(Lafaek News)—Prezidente Republika Fransisco Guteres Lú Olo, Konsidera sidadaun balun sei intrepreta konstituisaun la tuir dalan hodi hanaruk Impase Polítika ohin loron.
“Povu doben Timor Leste biar konstituisaun define mo-mos kna’ar ida idak iha relasiona malu maibé ita nia ema balun la intepreta di’ak saida mak Konstitusaun hatete haruka ita hotu tenke kumpre, ema balun la intepreta tuir nia defini lo-loos maka mosu diverjénsia oin-oin iha sosiedade laran inklui entre orgaun soberania sira, tanba mos problema interpretasaun maka mosu ona krize polítika boot tolu iha ita nia rain livre no Indepente,” PR Lú Olo, hatoo asuntu ne’e iha ámbitu loron proklamasaun independénsia ba dala 45 iha Likisá, sábadu (28/11/2020).
Tuir PR Lú Olo, iha krize 2016 ida seluk iha 2017, enkuantu Fretilin kaer ukun krize ikus liu mosu iha final 2019 no dada too 2020, AMP mak kaer ukun reponsavel orgaun sira soke malu suspende no hakotu.
“Estabilidade sosiál as tebes iha krize 2016, risku atu sai guera sivil as, tanba Primeiru Ministru husu rejigna an atu hases risku ran fakar dala ida tan iha ita nia rai doben krize ne’e hakotu relasaun diak entre lider no orgaun soberanu sira, maibe ita la tama krize social, ita la tama krize institusional grave, tanba Parlamentu Nasionál, Governu, Tribunal no Prezidente Repúblika halo hela sira nia kna’ar tuir konstitusaun,” katak xefe estadu ne’e.
Jornalista : Acacio Pinto
Editora : Nelya Barros
