Lafaek News–Xefe aldeia Anin-Fuik, suku Madohi, postu administrativu Don Aleixo, munisipiu Dili, Antonio Soares afirma nu’udar autoridade lokal prontu koopera ho parte polisia no familia suspeitu hodi buka tuir autor (ADS) ne’ebe oho nia fen rasik.
”Prontu koopera buka tuir ADS,” katak autoridade lokal ne’e Iha fatin akontesimentu ne’e.
Xefe aldeia mos hateten kazu oho nia fen autordade mos seidauk hatene kronolojia lolos, tanba akontesementu suspeitu ho vitima nunka informa ba autorida, maibe suspeitu nia kazu mak hasoru nia kompania mak xefe aldea hatene, mas kona-ba oho nia fen ne Xefe aldea mos hein rejultadu investigasaun polisia ona tanba familia intrega ona ba autoridade polisia.
Entretantu, Polisia Eskuadra Komoro lori ona Juanino da Costa nu’udar alin rasik husi suspeitu ADS ne’ebe oho Nia fen aubmete ba investigasaun, maibe iha prosesu investigasaun Juanino da Costa deklara nu’udar familia husi suspeitu ADS prontu koopera ho autoridade seguransa hodi buka tuir nia maun (ADS) ne’ebe oho tiha nia fen hodi halai lakon too agora.
”Ha’u alin husi suspeitu ha’u prontu koopera ho polisia buka tuir suspeitu ha’u rasik horikalan buka tuir too agora ha’u seidauk hetan ha’u mos buka tuir familia sira seluk mos dehan la hetan hotu,” dehan Suspeitu ADS nia alin rasik ba Polisia iha nia uma aldeia Anin-Fuik Suku Madohi foina lalais.
Juanino reafirma familia suspeitu prontu koopera nafatin koopera ho familia matebian hamutuk ho autoridade seguransa nian hodi buka tuir suspeitu ADS, tanba matebian nu’udar polisia ida ne’ebe oho rasik husi Nia kaben ADS.
Observasaun Jornalista lafaek news iha fatin akontesimentu, familia matebian hahu prepara ona tenda iha suspeitu ho vitima nia uma no autoridade Polisia ho intelejensia mos buka tuir suspeitu tama sai bairu no familia nia uma iha aldeia Anin-fuik suku Madohi.
Jornalista : Acacio Pinto
Editor : Agapito de Deus
