Lafaek News–Prezidente Repúblika, José Ramos Horta, hateten Asean iha sinal importante hanesan instituisaun rejional lori ba vantajen ba Timor Leste.
Prezidente Repúblika José Ramos Horta hatoo asuntu ne’e hafoin partisipa iha serimónia high level conference on WTO Asean Accession of Timor-Leste ba jornalista sira iha edifisiu MNEK praia dos Coqueiros tersa (12/07/2022, katak Timor Leste tinan lubuk ida nia laran halo esforsu hahu husi 2011 esforsu ne’e kontinuaa para timor-leste bele tama iha Asean ne’e hanesan prioridade nasional ida prioridade nasional.
Prosesu rua ne’e la’o da-daun la’o diak ita nia eikipa ida kordenadu husi Ministeriu Negosius Estrangeiru Asean nian ida kordenadu husi Minstru Koordenadór Ekonomia, prosesu ne’e dirijidu husi Primeiru Ministru ho Ministeriu sira seluk, ne’e hanesan ministeriu ekonomia, dezenvolvimentu ministeriu hotu-hotu hola parte ba prosesu rua ne’e, tuir hau nia observasaun tinan sia nia laran prosesu ne’e lao diak eikipa rua nee’e iha kompetensia teknika buat ne’ebé parte teknika parte legal ne’e timor leste kaer metin loos,’’katak PR.
PR deklara, asean importante hanesan instituisaun rejional vantajen ba Timor-Leste, ho Asean Timor-Leste tama ho ekonomia rejional ida 700.000 milioens de pesoas ekonomia rejional produtu internu brutu konjuntu quatru triloes de dolares signifika Timor atu tama bele fasilita liu atraksaun ba investidor lubuk ida hakarak mai investe iha Timor Leste.
Asean importante hanesan instituisaun regional vantajen ba Timor-Leste, ho asean ita tama ho ekonomia regional ida 700.000 milioens de pesoas ekonomia regional ida ho produtu internu brutu konjuntu quatru triloes de dolares signifika timor atu tama bele fasilita liu atraksi ba investedor lubuk ida hakarak mai iha Timor-Leste,’’Horta fundamenta.
Iha fatin hanesan Ministru koordenadór Asuntus ekonómikus (MKAE), Joaquim Amaral deklara ba jornalista momentu ida ne’e importante tebes organiza semináriu hamutuk ho Asean oferese mos tempu ba ministériu sira hosi país Asean nian hodi fahe sira nia esperiensia kona-ba sai membru organizasaun mundial de komérsiu.
Momentu ida ne’e importante tebes ita organiza seminar hamutuk ho asean oferese mos tempu ba ministeriu sira hosi pais asean nian hodi fahe sira nia esperensia konaba sai membru organnizaun mundial de komersiu, ita hetan oportunidade di’ak hetan partilia esperensia husi kambodia ,tanba kabodia dadaun ne’e preside hela asean nune mos sira mos membru ida”, dehan ba jornalista sira.
Tuir MKAE Joaquim, Prezidente Repúblika nia intervensaun ne’ebé fo nia aopoiu makas tebes ba oinsa Timor-Leste bele prepara an tama iha organizasaun regional no mos organizasaun mundial de komersiu.
Ho rezultadu sira ne’ebé iha agora se ita mantein ho kompremisiu ida ne’e ita bele fiar an katak ita bele gradua, sira fo ba ita runiaun grupu de traballu dala (5) ita liu ona dala 3 todan liu mak dala tolu ba oin ita kompri deit renuiaun sira iha setebru reniun refere fo informasaun relatoriu ne’bé asembleia estadus membrus organizasaun mundial de komersiu sei avalia relatoriu iha fulan Dezembru, bazeia ba relatoriu ne’e asembleia sei deside Timor Leste gradua ou lae,’’ nia hakotu.
Jornalista : Juliao
Editór : Agapito de Deus
