Lafaek News–Sekretariu Estadu Komunikasaun Sosiál (SEKOMS) Segunda 11/07/22 halo sensiblizasaun literaria dijitál ba estudante eskola Tékniku Vokasional Bekora hodi hala’o kampania nasional kombate hoax no promove internet saudavel .
Hakarak dezimina informasaun kona-ba oinsá utiliza internet saudavel, oinsa utiliza internet ho kuiidadu nune ita hotu bele kontribui hodi kombate hoax, lia falsu no situs negativu sira iha ita nia rai , la bandu joven sira atu utiliza plataforma sira maibe oinsa dehan ba sira katak tenke uza ho matenek no kuidadu, governo prekupa ba ita nia situasaun atual tamba iha era digital agora ema hotu hotu livre uza ,ne’ebé informasaun barak mos tama mai katak ema utiliza ba negativu mak barak ita nia joven sira asesu pornografu mak makas fali hodi trata malu hatun malu diskredita malu mak makas ,ntaun ita hanoin katak edukasaun sívika ba ita nia sidadaun importante liu liu ba ita nia joven no estudante sira,’’ katak Merício Juvinal dos Reis Akara ba jornalista sira iha salaun eskola STM Bekora Dili ,segunda (11/07/22).
Akara argumenta, SEKOMS kria ona plataforma ida atu detekta sidadun balu ne’ebé tenta utiliza id falsu hodi transmite informasaun hoax no informasaun ne’ebé ho karakteristika krime liu husi media sosial.
Agora ita detekta ona ema 120 resin mak uza id falsu , balu uza lia-fuan ne’ebé la edukativu ita detekta hotu liu ona atus ida rua nolu resin agora ita hahú hanoin ba oin katak ida numeru ne’e labele aumenta ba bei-beik se aumenta kontéudu sira ne’e negativu mak barak ita nia sidadun liu-liu joven sira asesu barak ne’e la diak ba sira nia moral sira nia kapasidade edukasaun nian,’’dehan governante ne’e.
SEKOMS garante liu husi edukasaun sívika bele motiva sidadun sira liu-liu foin sa’e sira atu uza internet ho konsiénsia umanu hodi kombate virus hoax, maibé presiza ema hotu uza fuan bainhira utiliza internet.
Iha parte seluk Diretor Eskola Tékniku Vokasionál, Francisco Guterres, agradese ba SEKOMS ne’ebé iha motivasaun halo kampania kombate hoax ba estudante sira nune’e aumenta konesimentu umanu bainhira utiliza internet.
Ohin pela primeira vez SEKOMS ninia ekipa marka prezensa iha eskola ida ne’e atu halo sosializasaun sobre kombate hoax ida ne’e nudar meius ida oinsá estudante sira bele hadok an husi informasaun ne’ebé bosok ka falsu no aumenta sira nia konesimentu bainhira utiliza internet,’’ diretor eskola ne’e sublina.
Estajiadu : Juliao Pacheco/Arnaldo Nunes
Editor : Agapito de Deus
