Lafaek News-Saturlino de Jesus, idade (16), husi Munisípiu Aileu, Nu’udar negósiante ne’ebé durante ne’e faan Sabraka hodi haruka osan ba inan aman iha foho hodi responde nesesidade moris loro-loron, tanba iha rai laran rasik too ohin loron governu la loke kampu servisu.
Saturlino haktuir kondisaun moris inan-aman iha Aileu ladun sufisiente, laiha aihan ne’ebe rezerva tempu badak no tempuu naruk nian, tanba ne’e Saturlino hanoin husi nia fuan tenke mai Dili fan sabraka atu sustenta ezijensia inan-aman nian iha foho.
Ha’u mak iha inisiativa rasik hakarak faan atu nune’e bele sustenta ama, apa no ha’ u fan hahu husi tinan 2017 too ohin loron, loron-loron ha’u la’o haleu Dili laran hodi faan ai-fuan mak hanesan Sabraka, Hudi no forai”, Dehan Saturlino de Jesus ba Jornalista sira Segunda 11 Jullu iha Palásiu do Governu oin
Saturlino de Jesus hateten durante nia faan osan ne’e nia haruka fali ba nia apa ama iha foho, bazeia ba rendimentu kada loron fan ai-fuan ne’e bele hetan osan $.80.00 too $.90.00
Osan ne’ebé ha’u hetan husi faan ne’e kada fulan ha’u haruka fila fali ba apa, ama sira iha foho ho totál $150.00-,$200 selae ha’u hola foos, mina mak haruka ba sira hodi sira uzá ba nesesidade loro-loron nian, ha’u baibain faan ai-fuan ne’e, sorte di’ak loron ida ha’u bele hetan $80.00 lae $90.00 kuandu ai-fuan ne’e ema hola hotu, no ha’u hola tutan fali Balde metan ne’e ho folin $.35.00-$.40.00
Estajiada : Zita Menezes
Editor : Agapito de Deus
