LafaekNews-Governu Sentral hamutuk ho Autoridade Rejiaun Adminittrativa Espesiál Oe-kusi Ambeno (RAEOA), sei rezolve transporte maritima, molok tempu natal no tinan foun sei sosa Ró ida hodi fasilita transporta povu atoni husi Dili-RAEOA, no husi Dili-Ataúro.
Prezidente Autoridade Rejiaun Adminitrativa Espesiál Oe-kusi Ambeno (RAEOA), Arsenio Paixão Bano, hateten, transporte marítimas agora laiha, maibé nia promete antes natál ho tinan foun iha ona kompaña ida iha Oe-kusi atu sosa ró ba RAEOA liu husi empreza públika privada sosiedade komersiál ba dezenvolvimentu tama hanesan sosio.
“Antes natál ita iha ona ró, ró ida iha Oe-kusi í RAEOA sei hamutuk ho governu sentrál rezolve transporte marítima husi Oe-kusi-Dili i inkluí Dili-Ataúro, entaun RAEOA mós tama ho 30 pursentu liu husi empreza ida-ne’e í ha’u hanoin katak ba oin ita sei rezolve kompaña ne’ebé atu sosa ró refere, ho naran kompaña Irmão Timor husi kompaña Oe-kusi ninian,” dehan Arsenio Paixão Bano, hafoin hasoru malu ho Primeiru ministru Taur Matan Ruak, iha Palasíu Governu Dili, sexta-feira (19/11/21).
Enkuantu oras ne’e dadauk Ró hamutuk rua, ho naran, Ataúro Express ho Bintang samudra 8, ne’ebé aluga husi governu mak hala’o hela operasaun hodi transporta pasajeiru husi Dili ba RAEOA, no Dili ba Atáuro, maibé Ró rua ne’e la seguru no la sufsiente no ba povu atoni sira uanihira hala’o viajen.
Antes ne’e Movimentu Estudante Tane Oe-kusi(METO) hala’o komunikadu imprensa hodi husu ba Primeiru Ministru atu toman atensaun ba problema Ro ne’ebé da-daun sai preukupasaun ba povu Oe-kusi no Atauru ne’ebé sempre problema kona-ba Ro ne’ebé to’o ohin loron seidauk iha solusaun ba povo atoni.
Jornalista : Juvita dos Santos
Asisten Editór: Egidio Nono
