Lafaek News–Vise Reitor Institutu Superior Cristal (ISC), Jacinto Oliveira Junior informa, Ajénsia Internasional fasilita formasaun ba estudante Instituição Educativa Cristal – Fundação Cristal (IEC-FC), atu hasa’e estudante sira nia koñesimentu iha servisu voluntarizmu.
Realiza Formasaun ne’e oinsá atu motiva estudante sira nune’e sira bele iha interese halo asaun sosiál ho voluntarizmu, tanba dala barak ita depende de’it mak organizasaun no governu bainhira atu halo buat di’ak iha sosiedade nia let,” dehan Vise Rwitor ISC ba Jornalista iha salaun Cristal Balide Dili, sexta 19/11/2021.
Junior afirma, Programa voluntáriu laos hahú husi ema seluk nia hakarak, maibé ema ida idak bele hahu de’it husi ninia inisiativa rasik hodi apoiu ema ne’ebé presiza tulun iha parte ekonomia ho sosial.
Maske estudante sira ne’e iha area edukasaun no mos saúde nia, maibé espera katak sira mos bele implementa sa mak sira aprende husi organizasaun internasional sira neebe ohin fahe ona esperiensia ba estudante sira,” Junior deklara.
Vise Reitor ISC Junior hatoo ninia apresia ba programa husi organizasaun internasional sira ne’ebé iha tan foka liu ba area voluntarizmu nian, tanba nia konsidera formasaun ne’e diak tebes ba estudante sira.
Iha fatin hanesan Program Officer Volunteer Service Abroad (VSA), Cindi Mendonca argumenta, atividade sira nee halo hodi selebra loron voluntarizmu mundial niantan nee sira sei kontinua halo atividade iha universidade seluk ne’ebé sira seidauk ba.
Objetivu husi atividade nee ami atu fahe espériensia voluntarizmu iha ajensia ne’ebé eziste iha Timor, tanba ami nia papel atu hatudu buat ne’ebé ami halo ona ho voluntarizmu liu husi ita nia parseiru ka ajénsia sira,” Cindi esplika.
Entretantu Ajénsia Internasional ne’ebé halo formasaun ba estudante IEC-FC mak hanesan, KOICA, JICA, VSA, CVTL, AVP, Peace Corps, UNETL, TIYFD, UNV no mos ajensia sira seluk.
Jornalista : Orlando Magno
Editor : Agapito de Deus
