Lafaek News–Prezidente Autoridade Rejiaun Espesiál Oekusse Ambeno (RAEOA), Arsenio Paixão Bano informa, irigasaun Tono da-daun ne’e funsiona hela no tinan ne’e rezultadu produsaun di’ak husi agrikultores.

Hanesan ita boot sira hatene siklonia saroja estraga parte balun iha irigasaun Tono iha 4 de abril siklonia ne’e akontese laos de’it iha Oekusse, iha fatin hotu-hotu Timor laran tomak,” dehan PA RAEOA Arsenio Paixão Bano hafoin remata enkontru ho PM iha Palasio Governu Dili, sesta (19/11/21).

Nia informa, dadaun ne’e autoridade halo intervensaun emerjénsia konsege salva mais de 900 hektares areas produtivas, nune’e tinan ida ne’e maioria Oekusse nia natar halo kolleta ho kondisaun di’ak.

Ami planu atu halo rehabitilitasaun tomak ba irigasaun maibé agora dadauk irigasaun sei funsiona hela,” hakotu Nia.

Jornalista : Juvita dos Santos

Editor        : Agapito de Deus