Lafaek news-(Bobonaru)-kandidatura Prezidenti republika periodu 2022-2027 ho numeru sorteiu 9, Armanda Berta dos Santos deklara ba apoiantes no simpatizantes sira katak wainhira eleitu sai Prezidenti Republika sei promove identidade kultura no simbolu tradisionais Timor Leste.
Sai Prezidenti iha mos nia kna’ar atu bele hametin Timor oan nia identidade liu husi promove kultura simbolu tradisionais hanesan tais, lingua, uma lisan ,no fiar iha kristaun ne’ebe iha,” dehan kandidatura Armanda ba lafaek news iha kampu futebol Maliana, Sábadu (12/2022/2027).
Kandidatura Prezidenti Republika, Armanda Berta dos Santos afirma , liga ba situasaun polítika iha rai-laran povu tomak moris iha krize polítika dezde 2017 ohin loron ekonomia la la’o ho di’ak, tanba ne’e Berta sei hametin relasaun mutùal ho igreja katólika hodi promove diálogu hodi haburas unidade nasional.
Liga ho polítika interna ha’u sei hametin relasaun mùtual hodi promove diàlogu hodi haburas unidade nasional liu-liu grupu no Juventude Sira ho Igreja hodi buka solusaun rezolve situasaun politika iha Timor Leste,”dehan kandidatura Berta
Armanda berta mos promete enkuantu eleitu ba xefe estadu kontinua hametin estadu direitu demokrátiku liu husi respeita konstituisaun hadia orgaun soberania hat atu servisu ho hakmatek tuir lei hodi lori moris di’ak ba povu no nasaun.
Komprimisiu eleitoral ida atu bele promove igualdade no justisa sosial no inkluzaun, ho komprimisiu ida ne’e atu bele garante povo asesu ba igualdade, justisa, iha nasaun demokrátika ida nee signifika povo tomak iha direitu no hetan tratamentu hanesan iha lei nia okos,” nia hakotu
Entretantu, Konselleru Másimu partidu KHUNTO, José dos Santos Naimori Bukar hatete, iha Timor-Leste ne’ebé uluk luta ba rai ida n’ee iha frente tolu maibe frente rua armada ho diplomata mak ukun ona durante kada tinan lima nudar xefe estadu, más frente klandiistina nian seidauk ukun too ohin loron.
Ha’u hatete iha Timor parte tolu mak asegura no luta ba rai ida ne’e mak frente diplomátika, frente Klandentina, no rezistensia ita nia maun boot sira ukun tiha ona ita hotu koñese no hatene, klandestina mak seidauk so Berta de’it,” dehan Naimori liu husi diskursu iha kampana ba dal-11 iha kampu futebol Suai (Kovalima), Domingu (13/03/2022)
Tan ne’e Naimori apela ba militantes partidus polítiku sira hotu atu hili Armanda Berta, tanba bainhira manan sai nudar xefe estadu la haree kor, grupu no rasa, maibé sempre hakoak ema hotu nudar inan ida iha T, feto úniku iha Timor hodi kompete ho nia maun boot sira so Berta de’i,t maibé ba sira seluk seidauk bele hotu , ne’ebé agora tenke halo istória foun ida iha TL tamba tempu agora tenke entrega ba jerasaun foun atu liberta povu.
Maun sira dehan liberta rai ida ne’e ba ami Timor-oan tomak, partidu KHUNTO hakruk too rai, loos duni mas agora liberta povu tenke fó ba jerasaun foun la’os apa sira, tanba apa sira iha direitu ona atu deskansa, ha’u atu hatete hanesan imi sala no los mos ami nia aman ,más tanba sa mak uluk imi ida de’it agora imi la fiar malu la rona malu, diak liu fó ba ó nia oan feto Berta ne’e para rona imi, hakruk no respeita imi nia luta, imi ho imi se mak atu lakon, ho se mak atu manan” dehan nia
Jornalista:Domingas Viana
Editor : Agapito de Deua
