Lafaek News-(RAEOA)-Kandidatu Prezidente Repúblika períodu 2022-2027 númeru sorteiu 14, premiadu José Ramos-Horta, afirma nia parte preukupa pobreza iha rejiaun Oe-kusse as liu fali munisípiu hotu iha territoriu nasional, signifika buat ruma la’o la loos.
Horta hatoo asuntu ne’e iha nia komisíu polítika iha kamapaña ba dala 11 iha Oe-kusse domingu (13/03/2022), preokupa probreza iha Oe-kusse ás liu iha territóriu nasionál no konsidera buat ruma la’o la loos.
Oe-kusse, tuir dadus estatístika tuir orsamentu estadu besik milliaun 77, maibé tuir estudu ONU, rezulta nível probreza ás liu iha territóriu nasionál, tanba ne’e buat ruma la’o sala karik, nune’e bá oin, givernu ne’ebé mai tenke haree fali estratejia polítika ekonómika ba Oe-kusse, polítika tenke tane povu’’, afirma Horta. https://lafaeknews.tl/juventude-eis-merkadu-komoro-afilia-ba-cnrt-apoiu-kandidatu-nu-14/
Nia dehan, bainhira simu todan nu’udar xefe estadu servisu ho governu kria polítika ekonomia ne’ebé di’ak tau matan ba kosok-oan sira nia nutrisaun ho inan sira, katuas-ferik sira, inklui juventude hotu no formasaun professionál, tambá tinan rua ka tolu Timor Leste sei tama iha ASEAN, joven sira iha oportunidade atu servisu iha rai sira ASEAN.
Ramos Horta promete katak sei harmoniza relasaun externa hodi haree ba Timor-oan sira ne’ebé ba buka servisu iha rai-liur, sei halo investimentu diplomasia maka’as atu halo relasaun ho nasaun Japaun, Xina, Austrália no Korea Súl, sei hametin liu tan relasaun ho uniaun Europeia hodi hare passaporte Timor bele ba servisu iha Europa nian.
Kampaña ba dala-11ne’e partisipasaun máxima husi povu Atoni-oan kompostu husi sub-rejiaun tomak, no hetan observasaun husi STAE CNE, PDHJ inklui observadór nasional no internasionál, durante kampaña la’o ho hakmatek tanba hetan seguransa másimu husi seguransa PNTL RAEOA.
Jornalista : Abekha Raihusar
Editor : Agapito de Deus
