Lafaek News–Prezidente Alumni Parlamentu Foinsa’e Timor-Leste (APFTL) Zaunino Gomes da Silva, hatete, 2021 parlamentu foin sa’e sei prioritiza kria Planu estratéjia dezenvolve kreatividade juventude nian iha Timor –Leste.
“Programa no atividade saida mak ita halo iha 2021 nia no mos ohin ami aprova sei iha aprezenta hela orsida sei iha planu estratéjika durante tinan lima hahú hosi 2021 too 2025, neste altura iha setembru 2020 nian ami halo kongressu konsege aprova entaun ohin asembleia ne’e ami aprezenta fila-fali estrutura eleitu sira ba planu estretejiku sira ne’e ba membru hotu atu hetan aprovasaun,” Zuanino ba Jornalista sira hafoin halo diskusaun ho membru APFTL iha Kaikoli, Tersa (16/2/2021).
Prezidente APFTL ne’e relata, objetivu debate no halo diskusaun ba membru APFTL ne’e hanesan espasu ida nakloke ba sira hotu hodi halo aprovasaun atu hatene ezisténsia organizasaun APFTL ne’e atu hafanu no fó benefisiu ba joven sira iha Timor sira ho sira nia talentu no kreatividade nune’e bele evita krime, komete hamronia ho droga.
“Ha’u atu fo jerál de’it atividade Ita nia orientasaun ne’e oinsá atu bolu joven ida sai saudavél oinsá atu bolu joven Ida sai síviku oinsá joven ida sai krítiku no aprezenta solusaun, ita hanoin ona atu fornese espasu adekuadu ba joven sira atu nune’e espresa sira nia talentu no kreatividade liu husi atividade sira ne’ebé Ita planu atu halo,” katak Zaulino.
Nia afirma, ohin debate ba diskusaun ho membru APFTL 2021 ne’e diferente tanba parlamentu foinsa’e programa husi governu nian ne’ebé bazeia ba rezolusaun iha mandatu hotu-hotu hodi harii asosiasaun ida ba governu tutela ba iha Sekretariu Estadu Juoventude no Desportu (SEJD) hodi haree planu oinsá joven kreativu iha Timor laran.
Jornalista : Joni Mau Risa.
Editora : Nelya Barros
