Lafaek News–Vise Ministru Interior, Antonio Armindo, espresa nia parte sentre triste bainhira lee notisia katak polísia eskuadra postu administrativu Zumalai empresta fali karee komunidade nian hodi hala’o atuasaun urjénsia, maib é 2022 sei sosa kareta ba postu polisía Zumalai.
Liga ho asuntu ne’e, vise ministru interior ne’e sente preukupadu no deside hala’o kedan vizita urjente ba polísia eskudra PNTL postu Zumalai, realidade laiha duni kareta hodi halo servisu, tanba ne’e Ministériu Interior tau ona planu orsamentu 2022 sei sosa kareta unidade 25 ba eskuadra hirak ne’ebé seidauk iha transporte inklui polísia eskuadra Zumalai.
Ita rona PNTL Eskuadra Zumalai empresta komunidade nia kareta mak halo atuasaun, ne’e ita triste tanba ha’u direitamente halo ona vizita ba eskuadra Zumalai sira laiha kareta duni, tanba ida nee mak ita tau osan ba tinan oin sosa kareta ba eskuadra sira,”dehan VMI Antonio Armindo ba jornalista Iha nia knar fatin Vila-Verde Dili, kuarta 11/11/2021.
Governante ne’e esplika, kona-ba PNTL Zumalai empresta komunidade nia kareta hadi halo atuasaun urjensia ne’e VMI ho primeiru ministru no ministru interior inklui komandante jeral preokupa tebes.
Ita hanoin atu sosa kareta ba eskuadra PNTL hamutuk 39 nia presiza atu ita fo dala ida iha tinan oin, maibe ita hatene tetu mak kiik entaun ita sosa kareta hamutuk 25 ou 26 iha tinan oin hodi fo ba eskuadra neebe seidauk iha kareta inklui Zumalai,” katak vise ministru interior ne’e.
Tanba ne’e públiku tenke hatene governu nia tetu, ministériu interior sei jere oinsá programa ne’e bele tau osan uituan hodi sosa kareta ba PNTL sira ne’ebé servisu iha postu eskuadra.
Orientasaun husi Primeiru Ministru nian katak governu atu halo buat hotu-hotu dala ida labele, maibé halo buat uituan-uituan no beibeik mak bele,’’ katak Armindo.
Jornalsita :Orlando Magno
Editor : Agapito de Deus
