Lafaek News—Defisiénsia Sinjania Soares da Silva ho nia inan moris mesak hafoin laen kaben fila hikas ba kadunan santu iha tinan hirak liu ba kotuk, husik hela sira nain rua moris ukun ho situasaun moruk iha loron ho kalan.
Moris hanesan namlele tanba laiha rin ida metin hodi satan anin fuik, manas no udan, rin ba uma kain mak aman rasik hodi servisu sustenta defisiénsia Sinjania ho nian inan, maibé bolu aman iha ne’ebé, lian monu rai mamuk, laiha aman ida atu hatan netik sira nain rua nia lian halerik ne’e, pasiénsia ho Sinjania ho nian inan hakmatek de’it hodi laran avó feto ho avo mane husi nian inan rasik nian iha Manatutu.
Inan faluk Agustina Emerlinda da Silva (36) iha munisípiu Manatutu vila, katak bainhira nia laen mate nia ho nian oan feto ddefisiénsia ne’e de’it, nune’e hanesan inan deside fila ba hela ho nia inana-mana iha Manatutu Vila atu bele tulun netik sira nain rua nia moris.
Defisiénsia Sinjania Soares da Silva moris iha Metinaro, loron 10/02/2016, no ohin loron idade tinan 6 ona, bainhira sei kosok-oan sente kontente hela, tanba labarik nia kondisaun di’ak hela, maibé too tinan rua Sinjania komesa enfrenta moras isin manas kauza too isin maten hotu nune’e halo nia sai tiha defisiénsia fíziku too ohin loron.
“Ha’u nia oan ne’e moris mai di’ak hela, nia halo tinan rua ona mak nia hetan moras ne’e, halo ha’u nia oan ne’e la ko’alia, no nia liman sorin ho ain sorin maten hotu no depois ha’u nia oan agora tur de’it iha kadeira roda durante tinan tolu ona,” haktuir inan faluk Agustina Emerlinda da Silva, ba lafaek news iha nia rezidénsia Metinaro foin lalais ne’e.
Kronolójia banhira ddefisiénsia ne’e moris mai iha mundo ho kondisaun diak, moris iha klínika Metinaru ho nia kilo Grama 3,5 maibé bainhira nia tinan rua nia komesa moras to’o ddefisiénsia to’o agora tu’ur deit iha kadeira roda, tan ne’e família deside lori ba baisa iha Hospital Nasional Guido Valadares (HNGV) durante fulan ida no tuir família ne’e katak nia ona dotor sira esplika, nia oan Sinjania ulun sorin mak lumpuh otak hodi kauza sofre defisiénsia.
“Momentu ne’eba dotor sira dehan, ha’u nia oan ne’e nia ulun sorin mak Lumpuh Otak tanba momentu kalan tuku 10, akontese nia nakdedar iha nia liman sorin ho ain sorin mak bokan mak ami lori ba ospitál maibé la kuara to’o agora, ha’u rona ona infomasaun maibé dehan nia tinan dauk to’o mak nia seiduak bele simu subsídiu defisiénsia nian, maibe ha’u nia oan hetan ajuda kursi roda husi Sentru Nasional Rehabilitasaun Becora,” dehan inan faluk husi defisiénsia Sinjania.
Sinjania nia naran lori ona ba postu administrativu Metinaru atu bele asesu subsídiu ba ho ema defisiénsia nian, maibé too agora informasaun rohan ida de’it mos laiha, laran metin laiha novidade ruma husi administradór Metinaro.
Faluk Agustina nia kaben, nu’udar sekretariu suku Metinaru nian, husik hela sira nain rua iha 2021, fila ba aman maromak nia kadunan santa, hafoin moras loron rua labele salva vida.
Matebian Domingos Soares mate ho idade 36, iha Metinaru suku Mantelelaon postu Metinaro, bainhira matebian husik kaben ho nia oan defisiénsia, faluk deside fila ba hela ho nia inan-aman iha Mamtutu hodi fo moris ba nia ho oan feto defisiénsia Sinjania, kondisaun ekonomia iha nia kaben ninia inan aman sira ladún garantidu.
“Iha ne’e ha’u ho ha’u nia familia mak tau matan maibe ha’u mak tenke tau matan tanba ne’e ha’u mos la halo servisu tanba hein loron nian durante tinan tolu resin ona, tinan 6 ona seidauk hetan subsidiu, tanba laiha sertidaun RDTL no eleitoral, pasiénsia ha’u nia familia mak tau matan ba ha’u nia oan ne’e, haktuir husi faluk Agustina.
Iha sorin seluk, Diretór Assosiasaun Difisiénsia Timor Leste (ADTL), Cesário da Silva hateten kriteira atu tulun ema ho kondisaun defisiénsia tenke too idade 17 ba leten, presiza atestadu médiku ne’ebé komprova katak grau 3-grau 4 mak bele simu subsídiu, grau 1-grau 2 labele simu subsídiu, seluk tan mak dokumentu legal sira hanesan kartaun eleitoral HO Bilhete de Identidade (BI), ho situasaun sira ne’e ema ho defisiénsia ne’ebé iha problema psiko-sosiál inan-aman laiha, se mak ajuda tulun sira atu hetan dokumentu legal hirak ne’e, kuaze ema ho defisiénsia barak liu sira nia inan-aman la tau matan ba sira, esklui sira iha sira nia família, entaun dokumentu sira ne’e sira laiha.
“Ho situasaun ida ne’e nia parte rekomenda ba governante sira atu bele asegura katak subsidiu ba ema ho defisiénsia idade minoria ne’e importante liu atu nune’e inan aman sira bele kuidadu sira, atu bele asegura sira no akompaña sira ba eskola”, hateten nia iha palasiu Prezidente (03/11/2022).
Lider difisiénsia Timor Leste ne’e argumenta, durante ADTL hala’o akopañamentu ba ema ho defisiénsia ne’e ultimu prioprietáriu ikus liu iha uma laran, tan ne’e husu governu kria kondisaun atu bele asegura labarik ho defisiénsia sira ne’ebé idade seidauk too 17 ba leten.
“Ami husu ba governu tenke kria kondisaun atu bele asegura katak labarik ho difisiénsia sira tenke hetan subsídiu,” katak nia.
Iha Konstituisaun Repúblika Demokrátika de Timor Leste, artigu 21 ne’ebé ko’alia kona-ba “sdadaun ne’ebé iha defisiénsia” katak estadu valoriza direitu sidadaun ne’ebé ho defisiénsia no bele promove direitu sidadaun ho kondisaun defisiénsia tuir lei haruka, maibé razaun seidauk iha sertidaun RDTL, ne’ebé trata fasil loos bele sai fali impedimentu ba direitu Mefisia Ezoninia Dias nian.
Jornalista : Acacio Pinto
Editor : Agapito de Deus
