RAEOA—Lafaek News—Azio Lafu, husi Aldeia Hau-Ana, Suku Usi-Tase, Sub rejiaun Oe-Silo, Rejiaun Administrativa Espesial Oe-kusse, Ambenu, (RAEOA) foti risku para nia estudu husi klase 5, ho intensaun buka osan liu husi fa’an manu Tolun da’an iha Dili, hodi sustenta nia aman rasik ne’ebé ho kondisaun difisénsia labele buka osan hodi sutenta uma laran no selu oan sira nia eskola.
Azio Lafu nia aman nia kondisaun saude ho uma iha Aldeia Hau-Ana, Suku Usi-Tase, Sub rejiaun Oe-Silo, Rejiaun Administrativa Espesial Oe-kusse, Ambenu, (RAEOA), Foto Lafaek News (LN)
Azio Sufa nia aman rasik, Calisto Unu, esplika uluk Azio Sufa eskola to’o klase 5, depois nia hateten ba nia aman, hodi para eskola ba buka osan hodi sustenta uma laran ho nia alin ho maun nia eskola, tanba aman ho kondisaun defisiente labele buka osan.
“Apa ami labele eskola hotu se ami eskola hotu see mak atu buka osan agora ami eskola hotu apa mos kondisaun difisiente hanesan ne’e se mak buka osan, di’ak liu ha’u mak para eskola husik maun boot ho alin na’in tolu mak eskola de’it ha’u ba Dili buka osan ajuda apa,”aman Azio Lafu, konta tuir liafuan ne’ebé Azio ko’alia ba nia,
Azio Lafu, nia maun agora nia estudu too ona nivel pre-sekundaria klase II, no ida primaria, klase 4 no ida klase 2 no ida seluk klase 1.
Iha tinan 2018, Azio atu mai Dili maibé nia apa dúvida, tanba Azio foin tinan 11 ne’e nia buka osan hatene ka lae? Maibé Aziu resposta ba nia Papa katak papa di’ak hela laiha buat ruma mak sei akontese.
“Apa d’ak hela ne’e ha’u to’o Dili ha’u sei buka serbisu itoan-itoan hodi hetan osan kirim mai ha’u nia maun ho alin sira selu eskola,” dehan Calisto Unu.
Aman defisiente ne’e haktuir, nia oan daruak husi, Calisto Unu, ho Bikono, ne’e hanesan oan ne’ebé matenek no ko’alia barak liu no badinas serbisu iha familia ne’e maske nia iha maun boot primeiru, d.p=urante ne’e, Azio Lafu, nia aman, hetan moras ne’ebé nia hasoru hanesan difisiensia ain iha nanis hahú prezente iha mundo ne’e to’o kaben hetan nia oan agora na’in lima ona.
“Ha’u nia ain ne’e desde moris mai hanesan ne’e kedas to’o ha’u hola ha’u nia kaben no hetan ami nia oan na’in lima ha’u la’o ladi’ak no serbisu todan mós ladi’ak ha’u iha uma de’it ha’u nia feen mak durante ne’e book an ba mai hodi serbisu maibé buka osan atu susntenta oan sira mak susar”,tenik Calisto Unu ho halerik hodi liatun ba Jornalista Lafaeknews.com, foin lalais.
Jornalista : Egidio Nono
Editora : Nelya Barros
