Lafaek News–(30/11/2023, Komisaun Espesializada Parlamentu Nasional Komisaun G hanesan komisaun trata Assuntu Edukasaun, Juventude, sidadania, halo audensia ho Ministério Edukasaun, Dulce de Jesus Soares akompanha ho Sekretáriu de Estadu do Ensinu Sekundário Geral, Domingos Lopes Lemos, kona-ba Orsamentu Jeral Estado 2024, aloka ba iha Ministeriu ne’e
total $114.000.000.
Ministra Edukasaun, Dulce de Jesus Soares hateten ho Orsamento ne’ebe aloka Mai iha ME mak atu halo alokasaun ba iha kategoria sira hanesan Salario Vencimento, Bens e Serviços, Transferências Públicas, Capital Menor no Capital Desenvolvimento. Hateten ME Dra. Dulce iha Resinto PN ba jornalista, 30/11/023.
Dulce mos hatutan tan Programa Prioridade sira mak hanesan Infraestrutura Escolar, Gestão Escolar, Formação dos Professores, Conteúdos Curriculares no Recursos Humanos nafatin sai programa prioridade nebe mak sei halao iha IX Governo ida nee. Dehan Dulce.
Iha fatin hanesan Presidente Komisaun G Parlamento Nasional Distintu Deputadu, Armando dos Santos Lopes, hatutan Ministério Edukasaun pertinente tebes, tanba tinan ne’e orsamentu ne’ebe aloka montante menus, maibe iha komisaun G nia parte resposta ba ME atu ezekuta 100%, hanesan representante povu iha Parlamentu hein nia rejultadu no sei tuir atu halo fiskalizasaun.
Tuir Observasaun husi komisaun G rasik katak maske Osan ne bele kiik, maibe dala-ruma ezekusaun sei boot Liu no tuir ita nia kbiit ne’ebe iha, Duke Osan nebe boot Maibe Ita Nia kbiit la to Ita labele ezekuta hotu, ikus Mai Osan ne Fila fali ba kofre estadual Nian signifika Ita laiha kapasidade. Maibe tuir Sira nia parte observa katak orsamentu nebe aloka ne sufisiente ba tinan fiskalizasaun 2024.
Estajiada : Andre da Costa
Editor : Agapito de Deus
