Lafaek News—(19/11/2024) Asosiasaun Jornalista Timor lorosa’e (AJTL) Servisu hamutuk ho OXFAM Timor Leste, hala’o media Tor kobertura durante loron 3 iha munisípiu Ermera hodi halo kobertura ba impaktu husi Mudansa klimátika.
Koordenador Programa Balibo five, Asosiasaun jornalista Timor Lorosae Acacio Pinto, informa media ne’ebé desloka ba munisípiu Ermera hamutuk media 15 hodi hala’o kobertura mudansa klimátika no problema sira seluk ne’ebé populasaun Lauana enfrenta.
“AJTL hamutuk ho media sanulu resin lima sei halo media tor dala ida tan ba iha Letefoho iha objetivu ida ne’e parseiru hamutuk ho (OXFAM) Timor Leste no hetan fundus husi Hongkon objetivu sei foka liu ba iha mudansa Kimátika no Ermera maioria moris ho kafé, liu husi kobertura ida ne’e antes ne’e ami halo ona briefing ho jornalista sira atu identifika issu mudansa klimátika ne’ebé ita nia inan-aman sira iha foho enfrenta,” Acacio Pinto ba jornalista sira iha OXFAM Tersa feira, (19/11/2024).
Iha okaziaun ne’e, reprezentante OXFAM Timor Leste, Adilson da Costa Junior, haktuir, dalabark rona de’it informasaun husi munisípiu Dili, tan ne’e tenki hala’o media tor atu desloka ba munisípiu sira hanesan Ermera atu haree komunidade sira ne’ebé hetan difikuldade ba problema oin-oin.
“OXFAM servisu hamutuk ho AJTL programa media tor ida ne’e, hau hanoin importante tebes sira halo kobertura kona-ba asuntu importante sira dala-barak ita nia maluk sira infrenta iha area rural, informasaun hotu-hotu dalaruma iha Dili de’it, dala-ruma ita mos lakon informasaun husi ema difesiénsia no maluk sira ne’ebé hela iha area rurál ne’eba inferenta, Programa media tor ba dala tolu, iha tinan ida ne’e desidi halo iha munisípiu Ermera postu Letefoho, asuntu importante balu ita ko’alia iha briefing ne’e kona-ba impaktu mudansa klimátika ne’e ba produsaun agrikultura li-liu ba produsaun kafé,” Adilson afirma.
Asosiasaun jornalista Timor Lorosa’e hamutuk ho OXFAM mos hetan briefing husi Diretor TILOFE Zakiel Martins do Carmo, kona-ba oinsá ba iha aldeia hirak ne’ebé sofre tebes ba mudansa klimátika, media TOR ba hetan apoiu fundus husi Oxfam Hongkong (China).
Jornalista : Maria José
Editor : Agapito de Deus