Lafaek News- Asosiasaun Jornalista Timor Lorosa’e (AJTL), servisu hamutuk Enkaregadu embaixadór Amerika no Jornalista hosi mídia Tempo Indonésia, realiza treinamentu ba Jornalista no estudante universitáriu komunikasaun sosial no Radio komunidade sira konaba kombate disinformasaun ka Hoax no Hate Speech.
Prezidente AJTL Zevonia Viera iha abertura formasaun daruak hateten, AJTL hetan apoiu dala rua hosi Embaixada Amérika tinan hirak liu ba hetan virtual, objetivu husi treinamentu ne’e oinsá kombate konaba disinformasaun hate speech ka diskursu odiu liu-liu iha era dijitál.
“Nune’e AJTL iha komitmentu katak oinsá bele suporta membru AJTL sira, Radio komunidade, no estudante universitáriu sira, oinsá hasa’e koñesimentu no abilidade hodi verifika informasaun falsu ka hate Speech odiu, ne’ebé fó imaktu ba sosiedade no grupu vulnerabel liu-liu feto no ema ho defísiensia sira, ita hotu iha papel responsabilidade bo’ot hatudu liafuan Speech atu nune’e ema bele partilla informasaun ne’ebé pozitivu, atu nune’e reduz informasaun ne’ebé falsu no faktu la di’ak ba grupu vulnerabel no liu-liu feto no ema ho defísiensia”, katak Prezidente AJTL Zevonia Viera iha nia diskursu abertura formasaun daruak iha Salaun Sentru Nasionál Chega(CNC),Balide kuarta (17/05/2023).
Enkuantu AJTL apresia ba embaixada Amérika tanba kontinua fó fiar ba AJTL hodi organiza treinamentu ne’e ba jornalista, estudante universitáriu no radio komunidade iha area rural, tanba verifika informasaun falsu la halo de’it iha fatin servisu, maibé bainhira iha uma de’it hetan informasaun falsu kontra kedas katak informasaun ne’e la loos.
Iha fatin hanesan, Enkaregadu Estadus Unidus Amérika Thomas E Daley iha diskursu hateten, jornalizmu hala’o kna’ar importante ida iha Timor-Leste nia luta ba independénsia, dezde restaurasaun independénsia, Timor-Leste halo ona esforsu maka’as hodi hari’i instituisaun demokrátiku sira iha nasaun ne’e, inklui liberdade imprensa.
“esperiénsia rasik kona-ba ida-ne’e iha média sosiál ka iha plataforma online sira seluk, bainhira média no públiku sira sein intensaun fahe lia-bosok ka informasaun bosok, dezinformasaun ne’e ladi’ak duni tanba nia refleta intensaun atu lohi ka manipula ema, bele mai iha formas barak, hanesan Notísias Falsas, propaganda, boatus, no rumores, diskursu ódiu, bele mós hamosu konsekuénsia grave barak”.
Tuir embaixadór, Dezinformasaun bele hafraku konfiansa iha instituisaun demokrátika sira, halo grave liután tensaun sosiál sira, bele hamosu violénsia, Timor-Leste, Estadus Unidus Amérika mós luta hasoru informasaun laloos no dezinformasaun, tantu lansa husi atór-sira iha railaran nomós adverzáriu estranjeiru sira ne’ebé buka atu kria dezorden no fomenta divizaun.
Primeiru, presiza jornalista no estudante sira ne’ebé dedikadu, atu bele komprende oinsá detekta no hapára informasaun ne’ebé laloos no dezinformasaun liuhusi rekursu-sira ba verifikasaun-faktu no dezenvolvimentu profisionál, Segundu, presiza mós haforsa abilidade literasia média nian ba ita-boot sira no ita-boot sira-nia audiénsia sira – atu nune’e ita bele komprende di’ak liután kona-ba informasaun saida mak ita bele fiar no ida ne’ebé mak la viável, no ita presiza iha hanoin krítiku hodi haree notísia no
Partisipante Deonizia Tilman dos Reis deklara, orgullu tebes bele hetan oportunidade bele tuir treinamentu ne’e hodi aprende kona ba materia disinformasaun hate speech ka odiu, hodi nune’e iha futuru bele implementa iha terenu.
“Tanba sidadaun sira uza mídia sosial hodi fahe informasaun falsu públiku halo ema feto no defísiensia ka grupu vunerabel sira sai vunerabel liu tan iha sosiedade, nune’e liu husi formasaun sira ne’e ami bele kombate lia-los”.
Treinamentu refere hetan apoiu orsamentu husi Estadus Unidus Amérika ho totál 15 mil, treinamentu refere fahe ba grupu rua, grupu primeiru loron 15-16 husi Jornalista no estudante universitáriu, no Radio komunidade sira partisipante hamutuk 30, grupu segundu loron 17-18 foka liu ba mídia nasional iha Dili, partisipante hamutuk na’in 26. Oradór grupu primeiru Sekretaris Jenderal Asosiasi mídia siber Indonesia ( AMSI) no xefi redasaun Tempo.com Wahyu Dhyatmika no Diretór Analiza dezenvolvimentu média Konsellu Imprensa Alberico da Costa Junior, grupu segundu nian Dhandy Laksono no Diretór Análiza dezenvolvimentu média Konsellu Imprensa Alberico da Costa Junior.
Jornalista: Rita Moniz
Editór: Acacio Pinto
