Lafaek News—Asosiasaun Jornaliata Timor-Leste (AJTL), fasilita formasaun ba jornalista husi media online-8 kompostu husi Lafaek News, Lalatak, Naunil, SMI, Falur, Neon Metin,Timor news no Peace Center kona-ba Dijitál security no fake checking.
Presidente Asosiasaun Jornalista Timor-Leste (AJTL) Zevonia Viera, informa haktuir, formasaun kona-ba Digital Security hodi bele asegura jornalista sira nia servisu iha mundu Jornalismu.
“Jornalista sira tenke iha kapasidade no abilidade oinsá Verifika informsaun Fake news atu ajuda Jornalista profissional sira katak informasaun ne’e lo’s,” Zevonia Viera ba jornalista salaun Konsellu Imprensa (KI), Kintal Boot, Kuarta semana ne’e.
Zevonia argumenta iha era digital media online sai plataforma digital ba jornalista sira husi media online atu halo verifikasaun ba informasaun Hoax, informasaun hirak ne’ebé la loos espailla iha internet, tan ne’e Jornalista investigativu ne’ebé online uza plataforma oinsá mak atu asegura sira nia dadus importante, nune’e ema labele na’ok ka haker Website no Email.
Lidia Magno nu’udar partisipante iha formasaun ne’e sente kontente tebes ba formadora ninia aprezentasaun materia kona-ba oinsá jornalista sira uza media online hodi indentifika misinformasaun ne’ebé mak públiku sira publika iha media, bele indentifika no klarifika lo-loos
“Ha’u orgullu tebes bele partisipa iha formasaun ida ne’e; hanesan jornalista media online ha’u bele aplika iha ha’u nia kna’ar hodi bele fahe informasaun ne’ebé mak loos,” nia tenik.
Jornalista : Rita Moniz
Editora : Nelya Barros