Lafaek News—Konsellu Imprensa (KI) planea iha 2021 hala’o sensibilizasaun kona-ba papél media nian ba komunidade inklui instituisaun estadu iha Timor Leste atu bele kompriende servisu jornalista nian iha terrenu.
Diretor Analiza Dezenvolimentu Media,Alberico da Costa Junior
“Tinan oin 2021 ami sei tau iha programa atu halo sosializasaun ba komunidade sira hanesan tinan hirak liu ba konaba papel jornalista nian Núne’e komunidade sira bele komprende atividae jornalista ne’e importante tanba transmite informasaun ba ita nia populasaun sira,” dehan Diretor Analiza Dezenvolimentu Media,Alberico da Costa Junior ba jornalista iha salaun komferensia KI Kintal Boot Dili, kinta 26/11/2020.
Junior esplika, objetivu husi sosializasaun ba komunidade ne’e kona-ba papél jornalista sira intensaun atu oinsá sira bele hatene papél midia nia no mós oinsá jornalista sira bele livre foti informasaun iha públiku.
“Jornaliata sira servisu tuir kode etika jornalista nian no ida ne’e mos hanesan matadal ida atu hases jornalista sira husi risku legal hanesan ema balu sei baku jornalista sira,” Junior informa.
ikus liu Alberico Junior, mos husu jornalista sira nafatin halo servisu ho professional tuir prinsípiu no kode étika jornalismu nian ne’ebé vigora ona, bainhira kumpri regras ne’e jornalista sira sei la hetan ameasa fízika no sees husi risku legal.
Jornalista : Orlando Magno.
Editora : Nelya Barros
