Lautém-(Lafaek News)—Elvis da Costa Dias Antonio Manuel, idade (9) klase III, fan Es iha feira 28 Novembru ajuda nia avó feto buka osan ba moris loron-loron nian iha festa proklamasaun independensia unilateral 28 Novembru komemora ona ba tinan 45.
Elvis da Costa Dias Antonio, fan hela Es iha feira 28 de Novembru ba dala 45 iha Lospalos, Foto LN: Elidio Castro.
“Ha’u fan es ne’e ha’u nia avo mak haruka ha’u agora kelas 3 iha EBF filial númeru um Lospalos, ha’u fan es ne’e ha’u mak hakarak fan hodi ajuda avo buka osan ha’u nia apa ama iha hotu foho Liarafa,”katak Elvis ba lafaek news iha Lautém hafoin fan hela es iha areadór feira 28 de Novembru iha Lautém, Sesta (27/11/2020).
Elvis konta nia istória katak nia mai husi Liarafa hela ho nia avo hodi eskola, no ajuda nia avó bainhira buka hahán ba sira nain rua nia moris loron-kalan, tan ne’e Elvis aproveita loron nasionál sira hodi buka osan.
“Ha’u mai hela ho avó hodi eskola tan ne’e ha’u fan es hodi ajuda avo ha’u hela ho avo iha central Lospalos hodi eskola,” katak idade 9 ne’e.
Idade sei inosente hela, ho nune’e iha mehi hakarak sai dotor kura ema seluk, maibé Elvis dehan hakarak atu sai matenek primeiru tenke eskola no estuda maka’as husi ensinu primaria too sekundaria too iha nivel universitária.
“Ha’u nia mehi ne’e ha’u hakarak sai doutor hodi ajuda ema seluk,” dehan Elvis.
Liarafa oan ne’e metan morena fuk mulatu hamnasadór karakter simples la gosta soe tempu arbiru ba buat ne’ebé la nesesáriu, utiliza nia tempu tomak hodi estudu no ajuda nia avó ne’ebé nia hela ba hodi buka osan.
“Ha’u bele ona konta mate-mátika no ha’u bele hakerek ona ho di’ak servisu ne’ebé ha’u halo ne’e hodi ajuda de’it avo tanba ha’u hela ho avó dezde kedas ha’u nia idade tinan 1,” nia haktuir.
Elivs ho lian haamnsa Hateten es ne’ebé Elvis fan iha feira 28 Novembru ne’e ema sosa de’’it dollar ida, maibé la hamate nia vontade atu fan, importante iha loron id abele hetan dolar id aka rua, see tuur no halimar de’it sei la hetan osan.
Mane oan metan morena ne’e hatais kalsa badak kamizola hafalun de’it isin hodi la’o tama sai iha ema barak nia leet hodi hasai lian es es, es iha aredor feira 28 de Novembru nian too lorokraik fila ba nia uma hodi estuda aban kontinua ba eskola.
“Ha’u nia papa halo de’it toos ami iha maun alin hamutuk nain 9 Elvis mak oan da lima husi maun alin na’in sia ne’e,” Elvis hakotu.
Jornalista : Elidio Castro
Editora : Nelya Barros
