Lafaek News—Autoriedade Inspesaun Fiskalizasaun Atividade Ekonomia Seguransa Alimentár (AIFAESA) fo notifikasaun haruka taka empreza Bread Talking Liu, Lda, ne’ebé ne’ebé produz produsaun paun iha kulau Bekora tanba fatin laiha ijiéne.
Xefe divizaun operasaun, AIFAESA, Idonia Sanches Pacheco, hatete, ohin loron sesta AIFAESA deside taka indústria pandaria Bread Talking Liu, Lda, tanba nia kondisaun ijiene la tuir prosedimentu husi dekretu lei 28/2011.
“Ohin loron mai halo inspesaun hodi enseramentu ba indústria ida ita halo enseramentu ba indústria padaria nian ne’e tanba kondisaun ijiene la tuir prosedimentu dekretu lei 28/2011, ohin ita halo ona enseramentu ba nia no ohin ita fo ona notifikasaun, maibé na’in laiha no nia na’in sei ba iha AIFAESA ami sei esplika fila-fali ba nia tuir mai ami husu ensera depois ida-ne’e prosesu la’o normal,”dehan Idonia Sanches Pacheco, iha Hera, Sesta-Feira, 05/03/2021.
Kompañia indústria ne’ebé ohin AIFAESA ensera sei fo tempu ba nia durante loron 10 atu nia hadia nia fatin, maibé kuandu iha loron 10 nia la kumpre sei submete fali ba ministériu públiku tanba nia la kumpre regras.
Observasaun husi jornalista Lafaek news nota, iha fatin refere besik kedas iha fatin produsaun padaria nian tanba la priense kriteria no la ijiene
jornalista lafaek news tenta komfirma, staff husi kompañia Bread Talking Liu Lda, Arlinda dos Reis, maibé rezeita lakohi fó komentáriu tanba la hetan autorizasaun husi na’in ba kompañia refere.
“Ami labele ko’alia tanba ami nia patraun la fo hatete ami atu koa’lia buat ruma no ami nia ptraun ba antar hela sasan depois ami iha ne’e ami staff na’in haat ne’e nia seidauk autoriza ammi atu intrevista,”dehan Arlinda
Jornalista : Egidio Nono
Editora : Nelya Barros
