Lafaek News—Asosiasaun Xinese Merchants Union Timor-Leste, entrega foos saka 70, ba ekipa solidariedade Kovalima hodi fò apoiu ba Komunidade ne’ebè afetadu iha Fatumea ho Tiliomar.
“Ami husi asosiasaun Chinese Timor-Leste ami hetan informsaun husi ami nia Xefe dehan presizaa apoiu ba suai oan tanbà Suai taka total, ne’ebè sira dehan falta foos ami rona dekas informasaun ami sosa kedas foos lori mai atu fò apoiu ba populasaun iha Suai, ami hola kedas foos saka hitunulu (70), buka foos araska kelilin loja mak foin hetan TUla mai kedas, Informa Reprezentante ne’e ba Jornalista sira iha Farol sesta ohin 05/03/2021, hafoin entrega foos.
Lourence argumenta asosiasaun Xinese ne’e prontu kualker tempu bainhira komunidade Kovalima husu ajuda nesesidade iha ámbitu estadu emerjénsia.
Iha fatin hanesan Abel Pires nu’udar Suai oan atual Depudatu iha Parlamentu Nasionál apela ba Timor-oan hotu katak, todan ida ne’e la’os ba Kovalima de’it, maibè ba Timor-oan hotu, tan ne’e maluk Timor hotu ne’ebè presiza apoiu fatin mak iha Sede RENETIL Faról.
“Ami kontente atu simu ita boot sira nia apoiu ohin da-daun ami simu apoiu husi komunidade Xinese iha Timor sira apoiu foos besik saka atus ida, ida ne’e apoiu di’ak ida, la’os ne’e de’it maibè Emprezariu Nasionál Timor-oan balu ne’ebè apoiu ona foos Saka atus rua, ne’ebè iha ona sede RENETIL, tan ne’e populasaun iha Suai la’os uitoan entaun presiza apoiu barak,” deputadu Abel Pires salienta.
Jornalista : João da Costa Soares
Editora : Nelya Barros
