Lafaek News—Direktór ezekutivu, Permakulture Timor Lorosa’e (PERMATIL) Eugenio ‘Ego’ Lemos lamenta ho ai-kesak (paulitu) ne’ebe governu importa husi rai liur.
Ego Lemos husu governutenke kria polítika ida adekuadu oinsá bele estabelese indústria iha rai laran atu bele produs paulitus hodi distribui iha rai laran atu bele diminui ona depedensia importasaun.
“Ha’u hanoin ai-kesak ka paulitu ne’e buat fasil hela ita bele halo iha rai laran governu sosa de’it mákina ai kesak ne’e tau iha ne’e atu nune’e buat kikoan siraa ne’e produs de’it iha rai laran parte ida bele kontribui no fo servisu ba ita ni joven sira atu bele servisu iha laran laos ai-kesak oan ne’e de’it mos ita importa husi rai liur mai ne’e hatudo katak ita nia governante sira laiha palnu ne’ebe di’ak,” dehan Ego ba Lafaek news, iha nia servisu fatin Farol, (03/08/2020)
Nia informa, governu tenke kria polítika ida ne’ebe di’ak atu nune’e buat ne’ebe Timor-aon bele produs iha rai laran, labele depende ba nasaun seluk hodi importa mai rai laran laran.
“Oinsá mak ita nia governu bele dada investor sira ne’e depende ba polítika kada ministerial ne’ebe kaer pasta hanesan ministru tamba ita observa durante ne’e bee de’it mos sei importa ne’e labele tenke muda ona mind set ida ne’e, ita tenke loke produsaun iha rai laran”
Alende ne’e, nia sujere atu governu bele kria kondisaun di’ak hodi bele dada investor atu bele loke produsaun bark iha rai laran hodi loke serisu ba Timoroan sira atu bele servisu.
“Ita husu ba governu atu bele haree mos ba asuntu sira ne’e ho seriu tamba buat kikoan sira ne’e ita bele halo no bele fo servisu ba ema barak,” dehan nia.
Jornalista : Anselmo Monteiro
Editora : Nelya Barros
