Lafaek News—Relasiona ho anin boot iha loron 22 too 31 Agustu 2023, dezastre naturais mosu iha munisípiu 7, Ermera, Baucau, Bobonaru, Manatutu, AINARO, Aileu no Oe-Cusse.
Autoridade protesaun sivil ( Sigla Portugés APC), Anacleto Caetano, informa APC rejista uma kain 45 hetan estragus husi desastre Naturais hanesan iha munisípiu Aileu ahi han uma 1, inklui mós anin sobu uma 3, Ainaro rai halai afeta ba uma 15, Baucau Anin sobu uma 11 no Rai halai Afeta uma 1 inklui mós ahi han uma 1, Bobonaru Anin sobu uma 3, Ermera anin sobu uma 1 no rai halai afeta ba uma 3, Manatutu ahi han uma 2, Raeoa anin Sobu uma 3 inklui mós ahi han uma 1, ho totál dadus hamutuk uma kain 45 mak hetan estragus.
“Husi gráfiku ne’ebe akontese dezastre ho tipu oi-oin ne’ebé maka afeta ba komunidade sira iha iha tipu dezastre oin tolu mak hanesan Rai halai ahi han uma no anin sobu uma, maibé desastre ne’ebé akontese ho volume boot liu mak rai halai ho afeta ba komunidade sira nia uma,” Anacleto informa.
Nia sublina tan, familia sira ne’ebé afeta ba dezastre naturais ne’e husi parte autoridade protesaun sivil halo reverifikasun dadus no mós fo ona apoiu emerjénsia ba família sira.
Jornalista : Julio da Conceição
Editor : Agapito de Deus
