Lafaek News-Diretor Ezekutivu Aliansa Nasional Luta Contra Crime Infantesidiu Timor-Leste (ANCITL) José Turky hatete, kazu soe bebe ba oras ne’e nafatin buras iha Timor-Leste, iha ne’ebé estatistika hatudu hahú husi fulan Janeiru to’o Agusto 2023, munisipiu Baukau ho Dili mak okupa perzentajen a’as hodi kontribui ativa ba soe bebe.
José Turki haktuir hahú iha tinan 2002 Timor-Leste restaura ninia loron independensia povu Timor-Leste, sei iha momentu difisil nia laran, liu-liu ba área ekonomia, agrikultura, edukasaun, saúde, liga ba asuntu infantesidiu, maltrisaun droga Hiv ne’ebé mak ohin sai kauza nasional, tanba estatistika hatudu katak hahú husi fulan Janeiru to’o Dezembru tinan 2023, munisipiu Baukau ho Dili mak okupa perzentagem a’as hodi kontribui ativa ba soe bebe.
“ANCITL, halo advokasia ba parte relevantes sira sosiedade no parte relijojo, atu nune’e harmoniza traballu mutual bele garante sosiedade seguru no livre bele konbate kazu soe bebe iha Timor-Leste, kona-ba fenomena infantesidiu iha ita nia sosiedade ne’e tanba kauza husi fator prinsipal balu ne’ebé mak organizasaun refere identifika atu buka solusaun hamutuk, fator primeiru mak tradisaun mundu globalizasaun ne’ebé mak afeta ba sosiedade Timor-Leste, mundu ohin loron nian ema barak atu buka moris tuir sosiedade modernu, tanba ne’e situasaun real hatudu katak, ministerium xave sira tenki kolabora hamutuk hodi hases sosiedade husi infantesidiu”. Diretór ANCITL ba jornalista sira iha FONGTIL, tersa semana ne’e.
José konta, observasaun atividade no implementasaun polítika governu nian liga ba oinsá estudu kona-ba papel ministériu kompotente sira halo prevensaun ba kazu soe bebe iha sosiedade, sá estratejia mak governu opta hodi reduz aktu infantesidiu iha rai doben Timor-Leste, nune’e mós halo peskiza no survey kona-ba kazu hirak ne’ebé akontese iha munisipiu no inklui kapital Dili.
“Iha loron Sabadu, ekipa Task force ONG, Aliansa Nasional Combate Crime Infantesidio kazu soe bebe dezloka iha terenu hodi hola medidas no intervensaun ba fatin akontesimentu, iha ne’ebé ema dezkonesidiu sunu mutuk bebe iha munisipiu Baukau, postu administrative Baukau-vila, suku Lamegua, aldeia Villa Antiga, iha prosesu identifikasaun ba aktu refere hatudu katak bebe rasik hetan sunu, depois asu han tiaparte husi bebe nia ulun fatuk, ekipa task force iha terenu, eskuadra PNTL Baukau asegura fatin akontesimentu hodi halo prosesu investigasaun ba kazu refere.
Nia dehan, liuhusi levantamentu dadus ne’ebé ANCITL halo sai hanesan barometru no indikador ba estadu ONG-ANCITL, oinsá trasa polítika ne’ebeé mak adekuadu hodi responde ba espetativa no metas sira ne’ebé mak bazeia ba rezultadu peskiza hatudu iha munisipiu hirak ne’ebé mak identifikadu transito soe bebe.
Jornalista : Crispin de j. Amaral
Editor : Agapito de Deus
