Lafaek News—Cruz Vermelha Timor Loro sa’e (CVTL), realiza doasaun ran iha fundasaun PAX nudár atividade ne’ebé CVTL mobiliza ba parte hotu-hotu hodi hetan doasaun ran hodi tulun ba maluk sira ne’ebé presiza tebes ran iha Hospitál Nasional Guido Valadares.

Jestor Programa Mobilizasaun Doasaun Ran Cruz Vermelha Timor Loro sa’e, Jacinto Reis afirma servisu CVTL, parte ida ne’ebé mobilizasaun ba atividade doasaun ran no hetan kontaktu husi fundasaun PAX ne’ebé iha semana kotuk CVTL halo ona sensibilizasaun ba doadores husi  fundasaun PAX.

“CVTL nia servisu parte Mobilizasaun entaun durante ita hetan kontaktu husi superior balun fundasaun PAX nian hakarak atu halo atividade doasaun ran, entaun ohin ita prosesu ne’ebé ita atinje ohin loron ita iha semana kotuk liu ba ita halo ona aproximasaun ho sira, ita mós halo ona sensibilizasaun kona-ba oinsá benefisui doasaun ran ba ita nia kandidatu ka doadoras  ohin fo ona, hateten, Jestór Programa Mobilizasaun Doasaun Ran CVTL, Jacinto Reis, iha Taibesi sábadu (26/08/2023)

Jestor Programa Mobilizasaun Doasaun Ran Cruz Vermelha Timor-Leste, ne’e salienta katak prosesu doasaun ran ba oin sei kontinua tanba atividade CVTL hanesan atividade regular ida no agredese ba fundasaun PAX ne’ebé iha inisiativa hodi hato’o nune’e rekolha ran hodi ba Banku de sangue, hodi halo managementu ran ba pasiente sira ne’ebé presiza,

“Nia prosesu ohin ne’e mak ohin sira inti husi administrasaun fundasaun PAX ne’e hato hela katak ba oin sei halo atividade reguler ida, agradese tebes mós ba inisiativa husi fundasaun PAX hato’o, atividade nia objetivu atu rekolha ran atu lori ba banku de sangue, banku de sangue rasik halo managementu ran ba pasiente sira bele sufisiente ba pasiente sira ne’ebé presiza”, tenik nia

Iha sorin seluk Administradór kompaña PAX, Rui Manuel da Costa Rangel, afirma katak atividade ne’e ambito selebrasaun ba tinan 14 ne’ebé monu iha dia 1 Setembru, ho ida ne’e fundasaun PAX servisu hamutuk ho banku de sangue no CVTL hodi halo atividade sosial ida kona-ba doasaun Ran, doasaun Ran iha fase daruak, primeira fase mak agora liu dadauk no segundu fase hahú iha semana oin hodi bele fasilita ba pasiente ne’ebé presiza ran.

“Atividade ohin ne’e iha ambito selebrasaun PAX ba tinan sanulu resin hat iha sei monu ba iha dia 2 de setembru tanba ida ne’e maka fundasaun PAX servisu hamutuk ho banku de sangue no mós CVTL halo atividade sosial ida mak naran doasaun Ran sei iha fase rua primeira fase agora ita halo namanas hela ne’e segunda fase sei halo fali iha semana oin”

Administrasaun Kompaña PAX, Rui Manuel da Costa Rangel afirma katak instituisaun estadu no kompaña PAX hodi halo kooperasaun nafatin ba atividade doasaun ran ne’ebé CVTL halo no atividade ida ne’e regular ona no husu mós ba banku de sangue presiza doasaun ran fundasaun PAX oferese nia ema hodi doasaun Ran ba pasiente sira ne’ebé presiza.

“Ami espera katak kooperasaun entre  instituisaun estadu liu husi banku de sangue ho CVTL ida ne’e regular ona se tuir regra doasaun ran ne’e maka fulan tolu to fulan hat, ha’u nia hanoin bainhira kuandu  banku de sangue doasaun Ran bele komunika fundasaun PAX ami fundasaun prepara ema depois ba hasai ran” haktuir

Iha primeira fase ba doasaun ran ne’ebe ohin loron hamutuk 60, no fase tuir mai sei halo analiza preliminar hodi hasai ran

“Agora dadaun iha primeira fase ne’e iha nen nulu maka hasai espera katak ami espera katak hirak ne’ebé mak mai ne’e halo analiza preliminar sira hotu-hotu bele hasai ran” hakotu nia

Jornalista : Anis Silva

Editor        : Agapito de Deus