Lafaek News—Diretor ezekutivu Asosiasaun halibur Defisiensia matan Timor Leste (AHDMTL), Gabriel Ponsiano, infroma orsamentu ne’ebé apoiu hosi IX governu konstitusional liu husi Ministeriu Solidaridade Sosial Inkluzaun ho montante 65500 mil sei aloka hotu ba atividade AHDMTL no tinan ne’e foku hasa’e kapasitasaun ba manorin sira iha eskola 5 iha postu Tiliomar munisipiu Covalima.
“MSSI fo apoiu osan ba AHDMTL ne’e montante 65500 mil sei aloka ba aitividade Ahdmtl no selu ba salariu staf nian, atividade ne’e mak kobre ba munisípiu kovalima posto Tilomar ba eskola 5 atu hasa’e konsiénsia manorin sira nian liu-liu liga ba manorin sira atende defesiensia ho tipo defisiensia sira nian hodi hasa’e koñesimentu klean kona-ba asuntu defisiensia ho termus ne’ebe loos atu bele komunika ba ema ho defisiensia iha Kovalima posto Tilomar,” Diretor AHDMTL Gabriel hatoo asuntu ne’ebe ba Lafaek News hafoin hala’o abertura kursu komputador iha sede AHDMTL Tibar, 06/05/2025.
Gabriel salienta, programa seluk mak apoiu formasaun letra Brile ba ema ho defisiensia matan sira, aprende letra Braile iha Ahdmtl partisipante hamutuk nain-40, sira apoiu aitividade durante Tinan ida orsamentu seluk apoiu nesesidade báziku membru sira nian, ida ne’e mak kobre ba atividade nian, formsaun Braile nee iha de’it sede Ahdmtl,
Tan ne’e, tinan ida ne’e atividade AHDMTL kobre de’it ba iha munisípiu Covalima no munisípiu seluk sei realiza iha 2026, iha kestaun orsamentu, nune’e programa Hadmtl hakarak kobre ba iha munisípiu hotu, postu AHDMTL agora iha fatin tolu ona ida iha Baucau, kobre ba parte leste no ida iha Manufahi no Oe-Cusse, maibe area kobertura atividade ne’e ba munisípiu hotu, maibé fundus hosi MSSI ba tinan ida ne’e foku de’it munisípiu Covalima.
Entretantu Assosiasaun Halibru Defisiensia Matan Timor Leste (AHDMTL) ba da-daun rejistu ona membru defisiensia matan hamutuk 106 feto 54 no mane 52.
Jornalista : Moises Guterres
