Lafaek News—Pe. Marito Mendonca de Araújo halo misaun dahuluk nudar vigáriu ba parókia Saun José Atsabe hodi hala’o atividade nudar bibi-atan ba sarani sira.
Amu Parókia Saun José Atsabe Fidelio da Cruz, esplika primeira misaun nudar nai lulik no sei marka iha istória vokasaun nian no misaun dahaluk mai iha Parókia Saun José Atsabe hodi hamutuk ho Amu pároku hodi deskobre tan maromak ninia grasa liu husi asaun pastoral atu hamoris liután pastoral iha Parókia ne’e.
“Ita hamutuk deskobre tan maromak ninia grasa liu husi ita nia asaun pastoral ita la’o hamutuk hodi haksolok liután sarani Parókia Atsabe atu hamoris liután pastoral iha parókia Saun josé Atsabe,” Nai-lulik ne’e sublina.
Nune’e, vigáriu Marito Mendonça Araújo, haksolok hala’o peregrinasaun nai-lulik no ba dahuluk hakna’ar an iha parókia Saun José Atsabe.
“Em prinsipiu ha’u sente kontente no haksolok tanba hau nia vida hanesan Amu lulik ne’e hau halo hau nia misaun hanesan amu lulik iha iha Parókia Saun José Atsabe Hau agradese tebes ba sarani no Amu paroko ne’ebé antusiasmu tebes hodi simu ha’u atu halo ha’u nia kna’ar hanesan padre Vigáriu iha Parókia Saun José Atsabe,” nia espresa.
Sarani Atsabe sira nia sasin fiar diak teb-tebes no sarani Atsabe hatudu duni sira nia fiar, sasin fiar nian iha uma kreda ho fuan no laran duni, tanba ne’e ho Amu Vigariu nia prezensa sei aruma tan no hakbesik tan ba sarani sira hodi hametin liután fiar sarani nian bele buras iha kapela ne’ebe konsiste iha Parókia Saun José Atsabe
“ Ha’u hein katak ho ha’u nia prezensa iha Parókia Atsabe hanesan Padre Vigáriu ida ha’u sei aruma tan no hakbesik an ba sarani sira atu aumenta tan fiar ne’ebé mak sira iha bele buras tan iha kapela hirak ne’ebé konsiste iha Parókia Atsabe hau mos hanesan padre foun iha atsabe ba sarani sira ita lao hamutuk hodi deskobre maromak nia hakarak ba ita idaidak ne’e oinsa,” tenik nia.
Hanesan nai-lulik iha misaun rua mak hanesan atu lori maromak ba sarani sira no mos hatudu realidade katak fiar uma kreda nian ne’e mak liu husi maromak nia dutrina sira no nia lei sira uma kreda ezerse iha igreja lokal sira liliu iha párokia Atsabe, tanba Amu Vigáriu hala’o nia kna’ar iha Parókia Atsabe nina sei hein orientasaun husi amu paroko hodi hatutan tan presensa maromak nian ne ba sarani sira ne’ebé mak sei hadok an husi uma kreda.
Atsabe Felix Fernandes
