Lafaek News—Asian Development Bank (ADB) liu husi Fundu Nasoens Unidas ba UNICEF nian, fornese orsamentu hamutuk milaun $1 ida hodi sosa materiál COVID-19, Kompostu husi kama, ventiladores ba ICU, Oximetru ba pulsu, lampada, ultravileta ba sala esterilizasaun, thermometers infravermellu, laryngoscope ba adultu no labarik sira no luz ba izaminasaun
Vise-Koordenadóra forsa tarefas ba prevensaun no mitigasaun surtu COVID-19, Odete da Silva Viega, hatete, Apoiu ne’ebé Ministeríu da Saúde hetan husi Asian Development Bank(ADB) ne’e sei presiza responde de’it ba kazu COVID-19 ne’ebé ho kondisaun grave nian
“Suporta ne’ebé mak ita hetan ohin iha finansia husi Asian Development Bank (ADB) liuhusi Fundu Nasoens Unidas ba labarik UNICEF, ohin ne’e ita hetan ekipamentus medikus ne’ebé mak ita presiza ba iha kazu grave nian,” esplika, Vise-Kordenadóra forsa tarefas ba prevensaun no mitigasaun surtu COVID-19, Odete da Silva Viega, ba jornalista sira iha Ospitál, Antonio Carvalho, Lahane Dili, Tersa-feira, (2/03/2021).
Nia hatutan, ekipamentus sira ne’e la’os atu tau hotu iha Izolamentu Lahane de’it, maibé sei tau mós balu iha izolamentu Tasi-tolu
Ekipamentus sira ne’e, iha kama hamutuk 100 ne’e 25 mak tau iha izolamentu Lahane no 75 sei tau iha Izolamentu Tasi-tolu, tanba durante ne’e, iha izolamentu Vera Kruz ne’e tau projeksaun kazu moderadu, kazu levél tau iha Tasi-tolu, no kazu grave ne’e tau iha Lahane, ho suporta ida ne’ebé mak mai ona Ministériu Saúde hahú dadaun ona, no husi ita nia governu nian mós prosesu iha dalan ona, ne’e bele mai mós atu kompleta liu tan servisu ida ne’ebé mak durante ne’e iha ona, no sei presiza atu priense mós lakunas iha fatin seluk, Odete Espika
Iha fatin hanesan, Diretur, Asian Development Bank (ADB), Sunil Mitra, hatete, apoiu ne’e sei ajuda garante Timor-leste prepara an di’ak atu fornese servisu saúde nesesaria ba sira ne’ebé hetan moras COVID-19
“apoiu ne’e sei ajuda garante Timor-leste prepara an di’ak atu fornese servisu saúde nesesaria ba sira ne’ebé hetan moras COVID-19, Finanseiru ne’ebé fó ba UNICEF hodi hola materiál medical atu apoiu ba Ministériu Saúde ne’e hamutuk 1 Miliaun”, dehan Sunil Mitra.
Enkuantu reprezentante Unicef iha Timor-Leste, Scott Whoolery, mós hatete, nia parte kontente tebes apoiu materiál ba Ministériu Saúde hodi hatan ba pandemia COVID-19 nomos hodi garante servisu Saúde sira seluk, halao nafatin tuir ema nia nesesidade
“Saida mak ami bele halo iha tempu inserteza ne’e hodi garante labarik sira no sira nia familia sira bele iha asesu ba kualidade saúde tuir lolos ami nia dezempeñu, no ita hamutuk ba ida-ne’e”, hakotu nia.
Jornalista : Sandi Belo
Asisten Editór : Egidio Nono
