Lafaek News–(Lautém)- Komandu Polísia Nasional Timor Leste (PNTL), munisípiu Lautém, Superintende Polísia, António rego Fernandes, fo pose ba Acacio Cardoso nu’udar sívika Sargentu Xefe hanesan komandante Eskuadra postu administrativu Lore no segundu komandante eskuadra Nazario cabral.
Iha ámbitu serimonia tomada pose, komandante PNTL munisípiu Lautém António Rego Fernandes, hatetetn ba emposadu nain-rua katak tuir lei tinan 2022, establese ona postu administrativu foun Lore nian, harii postu ne’e setor sira seluk mós ajuda inklui apoiu mós instituisaun PNTL.
Polísia Nasionál Timor-Leste ajuda ona polísia eskuadra ho komandu foun ita tenke halo iha tinan ida ne’e, ha’u halo proposta ba komandu jerál hodi nomea komandante eskuadra foun hodi asume komandu iha eskuadra postu administrativu Lore, kna’ar ne’ebé mak ita boot sira foti ne’e la’ós privilejiu ne’e responsabilidade, ita boot sira ha’u koloka iha ne’ebá la’ós Lore nian, más ne’e instituisaun PNTL, ha’u haruka imi ba servisu hamutuk ho nai xefe suku sira, komunidade sira no ita nia veteranu sira iha ne’ebá, oinsá mak ita fo seguransa di’ak ba ita nia rai, katak António Rego Fernandes.
Entertantu partisipa iha tomada pose ne’e mai husi prezidente konsellu veteranu Lautém, xefe suku rua husi postu administrativu Lore, tuir informasaun husi komandante eskuadra no segundu komandante sei utuliza hela komandu PNTL Lautém nia edefisiu balu sai sira nia fatin provizóriu hein fatin permanente ne’ebé sei harii husi governu iha tinan ida ne’e.
Jornalista : Ce.Lautem
Editor : Agapito de Deus
