Lafaek News— Diretora Jeral Ministériu Saúde, Odete da Silva Viegas, hatete, hahú husi fulan 1 janeiru to’o 20 fevereiru 2021 kazu moras dengue hamutuk 338 husi númeiru ne’e ema na’in ida (1) mate husi munisípiu Manufahi.

“Dadus dengue komulativu hahú husi 1 janeiru hamutuk 184 to’o 20 fevereiru 154, ho totál kazu hamutuk 338, husi numeiru ne’e mate nain ida (1),” dehan Diretora Jeral Odete da Silva Viegas, ba jornalista sira liu husu konfetensia imprenda iha Sentru Integradu Jestaun Krize CCD, Sabadu (20/02/2021).

Nia hatutan, Munisípiu ne’ebé relata kazu dengue aas maka hanesan, Dili 204 (60.5%), Baukau 56 (16.6%), Bobonaro 23 (6.8%), Ermera 13 (3.9%), Manatuto 10 (3.0%), Manufahi 8 (2.4%), Mate 1, Covalima 8 (2.4%), Ainaro 7 (2.1%), Liquica no Lautem 4 (1.2%).

Diretora relata, kazu dengue bazeia ba klasifikasaun sexu, Mane 167 (49.6%) no feto 170 (50.4%) no mós ba klasifikasaun idade ne’ebé afeta liu mak, idade 5-14 hamutuk 127 (37.7%), 1-4 ; 104 (30.9%), 15-25 ; 63 (18.7%), 25-49 ; 23 (6.8%), 1 ; 14 (4.2%), 50 ; 6 (1.8%).

Nia informa, hare’e kazu dengue ne’ebé akontese iha fulan janeiru 183 + mate na’in 1, no fevereiru 154, ho situasaun ne’e husu ba komunidade sira atu hamos ida idak nia hela fatin, atu nune’e la bele hamosu dengue.

Jornalista        : Sandi Belo
Asisten Editór : Pedro de Almeida