Lafaek News—Xefe Estadu Maior Forsa Armadas (XEMFA) Tenente Jeneral Domingos Raul “Falur Rate Laek” hateten oknum F-FDTL ne’ebe diskonfia komete iha kazu refere tenki hasai husi institusaun F-FDTL hodi ba tuir prosesu karik nia sala tenki kumpri prizaun preventiva.
Lider Forsas Armadas ne’e haktuir, nia parte seidauk simu informasaun ofisial kona-ba kazu refere se mak sala no se mak loos, maibé parte polísia atende hodi prosesa tuir lei.
“Informasaun iha ona relatoriu ofisial Hau seidauk Simu sala oinsá los oinsá nee Hau seidauk Simu maibe nee krimi parte polísia atende ona no sei la’o tuir prosesu lei no Ha’u rona parte polísia Lautem asegura ona autor sira ita fo parabens ba polísia, tamba krime mosu la too 24 horas autor sira kaptura ona,” Falur Rate Laek ba jornalsita sira iha Rezidénsia Taur Matan Ruak Faról Segunda 11/05/202/.
Falur hatun lia katak, Instituisaun F-FDTL iha ona nia regra, tan ne’e halo tuir regra prosesu justisa oinsá atu parte instituisaun halo prosesu administrativa.
“Primeiru nia komandante iha ne’eba komandante komponente sira hadia uluk mai too Ha’u, oknum F-FDTL ne’ebe diskonfia komete iha kazu refere tenki hasai husi institusaun F-FDTL hodi ba tuir prosesu karik nia sala tenki kumpri prisaun preventive,” XEMFA ne’e akresenta.
Nia sublina, iha prosesu nia laran membru ne’e nia involve direta duni iha krime tenki kriminaliza nia no ba kadeia tenki hasai husi forsa mak nia ba kadeia la’os oho tiha ema mai tama fali forsa.
Jornalista : Moises Guterres
