Lafaek News—Prezidente Autoriedade Masional Lisensamento Ambiental Institutu Públiku (ANLA IP). Maximiano Oliveira klarifika ba pýbliku katak relasaun estrada Gleno liga ba Letefoho lisensa ambiental hasai ona iha loron 30 Fulan Maio 2025 no iha ona autorizasaun kompania hodi halo konstrusaun estrada.
“Atu klarifiakasaun notisia horseik projetu estrada Gleno liga ba Letefoho lisensa ambiente ANLA hasai ona iha loron 30 Maiu 2025, Letefoho no Lourba too Bobonaro ANLA mos hasai ona lisensa ambiente iha tinan 2024 signifika kompañia bele halo konstrusaun wainHira iha ona lisensa ambiente,” Prezidente ANLA IP, Maximiano Oliveira, ba Jornalista sira iha edefisiu ANLA Acait, Sesta 08/05/2026/.
Prezidente ANLA IP ne’e akresenta iha parte seluk kompañia submete tan dokumentu projetu ba estrada Foun ida Kolkoli liga ba Katrai-Kraik distánsia km-8, iha loron 03 Fulan jullu 2024 lisensa ambiental demite iha loron 11 fulan jullu 2025 signifika ANLA suporta projetu refere no kona-ba lisensa ambiente seidauk sai mak akampamentu kompañia uza hodi utiliza ba traballador hela.
Alein de dokumentu ba meiu-ambiental akampamentu ne’e submete iha loron 28 Fulan Abril 2025 dokumentu ne’e seidauk priense rekejitus bazeia ba Dekretu Lei numeru 39/2022, kona-ba lisensamentu meiu-ambiental nian, maibé kompania mai hasoru ona ekipa ANLA no Informa ba sira kompañia bele halo ona servisu lalika hein lisensa ambiente tamba lisensa ambiente agora tama hela faze avaliasaun.
“Nune’e, Kompania mos submete tan karta iha loron 23 fulan Abril Informa ba ANLA atu halo akampamentu ekipa kompania Mai hasoru tan ANLA no Ami Informa ba nain kompania ba katak Imi bele halo ona servisu, iha loron 29 Fulan Abril kompania submete tan karta ba ANLA katak sira hala’o serimonia kultural iha loron 30 Abril 2026 lokalizasaun Iha sinai estadu Letefoho Ermera Ami Informa ba sira ita boot Sira bele hala’o ona servisu Anla la halo impedementu, Nune’e Estrada liga Aitutu liga ba Letefoho Gleno nee ANLA hasai ona lisensa iha 2023 renovasaun loron 30 Fulan 2025 no prosesu nee priense hotu rekezitus,” nia afirma.
Maximiano esplika lisensamentu ambiental Kategoria B, planu jestaun ambiental no deklarasaun ambiental liu husi prosesu avaliasaun verifikasaun ekipa ANLA IP tun ba terenu verifika hotu ona no priense ona rekezitus Dekretu Lei numeru 39/2022, lisensa ambiente.
Entretantu iha tinan 2026 ANLA IP, hasai ona lisensa ambiente ba kompania Kategoria B 8 kategoria C 109 total hamutuk 119 no lisensamentu ambiental ne’ebé iha prosesu laran kategoria B no C nee sei falta 20 resin no dokumentu sira ne’e maioria husi Kompania Nasional no iha 2025 kategoria A 5 B 35 C 447 no ANLA iha 2025 hatama reseita 54.50 mil dolar amerikanu Mai too 2026 14.950 mil dolar Amerika.
Jornalista : Moises Guterres
