Lafaek News- Sesta-feira, 8 maiu 2026, Uniaun Estudantil Laclubar (UEL) kondena maka’as desizaun husi Diresaun Nasional Transporte Terestre (DNTT) no Diresaun munisipal Transporte Komunikasaun (DMTC) Munisipiu Manatuto ne’ebe limita operasaun transporte Públiku roda diariu husi Laclubar Dili, fó de’it Autorizasaun ba Postu Administrativu Natarbora Soibada no Laclo hodi viajen Dili ba mai.
Portavoz UEL Jeronimo Soares afirma iha Estadu Direitu Demokrátiku nian, lei tenke sai instrumentu Justisa la’os arma atu halo diskriminasaun. Governu Timor-Leste iha obrigasaun konstituísional atu garanti igualidade no asessu servisu públiku ba sidadaun hot-hotu,la hare’e ba area jeografika ka pozisaun sosial, maibé realidade iha munisipiu Manatuto hatudu kontráriu lei uza ho padraun oi-oin.
“Durante fulan tolu ba kotuk, polítika ne’e obriga operador transporte Laclubar atu para operasaun,hamosu konsikuensia direita ba komunidade no estudante sira,iha tempu hanesan, autoridade sira hili atu taka matan ba sofrementu povu nian ne’e hatudu diskriminasaun instituisional tratamentu sira mak evedensia katak autoridade foti desizaun ne’e viola prinsipiu jéral sira kona-ba (Universalidade no igualidade)tuir artigu 16 .prekupasaun ne’e hato’o husi porta voz UEL Jeronimo Soares Liu husi konferenia inprensa iha Jardin 5 Maio, 08/05/2025/.
Porta voz ne’e haktuir, Lei uza hanesan eskuza la’os hanesan guia justisa, Argumentu tuir lei ne’ebe apresenta hosi Direktor DNTC Munisípiu Manatuto, Arnaldo Pires tamba UEL observa iha munisipiu Manatutu loron hirak liu ba, la iha kredibilidade, tamba inplementasaun la aplika ba transporte públiku hotu-hotu, entaun konsidera ida ne’e manipulasaun ba lei.
“Ami konsidera mos katak,ida ne’e violasaun direitu povu nian Komunidade Laclubar terus ba direitu báziku atu hetan transporte, no asessu ba Saúde, Edukasaun,no Merkadu tamba ne’e ami mos konsidera Lideransa Autoridade sira hotu falta kapasidade no vontade atu resolve problema ida ne’e. Pior liu tan desizaun ne’e bele hamosu krize sosial, joventude sai vítima direita tamba estudante sira ne’ebe luta atu hetan edukasaun agora hasoru obstakulu, hosi desizaun ne’ebe la sensivel ba realidade sira,” porta voz UEL salienta.
Nia hatutan tan Injustisa ne’e
kontinua mosu Uniaun Estudantil SEI hato’o ejijensia ba primeiru ministru no parlamentu Nasional toma medida imediatamente ba asuntu refere.
” Ami husu revogasaun imediatamente politika limitasaun transporte hosi Laclubar mai Dili. Inplementa lei ho padraun ida de’it Justu, Igual no transparente; no aktu ida ne’e tenke responsabiliza hosi autoridade sira ne’ebe foti desizaun konkretu, la’os polítika, Investe iha infraestrutura transporte ne’ebe dignu ba povu,”Jeronimo informa.
UEL informa tan katak mantein desizaun agora, Uniaun Estudantil Laclubar sei mobiliza estudante sira hotu ho komunidade Laclubar atu hato’o protestu demokratiku ho lian forte liu iha espasu públiku no hari’i ba Parlamentu Nasional no hato’o direitamente ba Primeiru Ministro atu husu intervensaun direitamente atu Justisa la bele negosia, igualidade labele selektivu, Lei labele sai instrumentu ba operasaun.
Ekuantu ho asuntu ne’e jornalista Lafaek News sei tenta buka kontaktu Diresaun munisipal Transporte Komunikasaun (DMTC) Munisipiu Manatuto ba Uniaun Estudantil Laclubar nia preokupasaun ne’e.
Jornalista : Moises Guterres
