Lafaek News—Centru Nasional Chega Institutu Públiku (CNC!I.P) lansa livru ho tema “Janji Yang Tertingal di Gelap” hosi hakerek na’in Abilio Soares, hodi refleta kona-ba istória pasadu luta povu Timor-Leste nian ba ukun rasik an. Lansamentu ne’e realiza iha sala konferensia Chega! Antigu komarka Balide Dili
Diretor ezekutivu Centro Nacional ChegaI.P, Hugo Maria Fernandes hateten CNC lansa livru barak ona relsiona istória vitima sira ba funu, hodi arkivu iha chega,ema hotu lee.
”Ohin ita lansa livru ho ambiente kona-ba 1999 akontese iha Maliana, ha’u mos lee livru kona-ba memoria tia Alda husi Mertutu no tiu Gonsaga husi Lospalos nian nian, memoria sira ne’e ho nia titulu sira atu fo ba ita iha mundu literaria ne’e buat ida transforma istória moruk ne’ebé mak ita lee, ita rona sente todan ba obra literaria ne’ebé bele lori ita klean liután atu halo refleksaun, tanba nia ko’alia kona-ba sentimentu umanu. Entaun lia-loos relasaun ho literaria sente hahú refleksaun ema nia memoria ne’ebé moruk,” Diretor Ezekutivu CNC!I.P Hugo Maria Fernandes afirma iha nia diskursu ba lansamentu livru iha Antigu komarka Balide 27/03.
Nia haktuir Literaria ne’e lori ita nia imajinasaun ba tempu ne’eba maibe ho maneira ida maus, maneira ida ne’ebé mak la todan ita atu lee direitamente ema nia istória tamba ne’e apresia ba obra ne’ebé iha.
“memoria sira ne’e halo ita atu dignifika, perpetua no fo valor husi konseiu baziku kona ba memoria oinsa mak ita loke espasu ba dignifikasaun, fo konta no respeitu perpetua iha ita nia moris. Entaun livru ida ne’e importante atu hametin memoria pasadu maibe aprezenta mai ita ho lalaok ne’ebé maus, lalaok ita nia imjinasaun maibe la lakon nia sentidu lia loos” dehan DE Hugo.
Jestor ne’e afirma katak livru sira ne’ebé arkivu iha Chega ne’e Hakerek na’in sira halo peskiza, leitura ho versaun fiksaun hodi nune’e enkoraja memoria ne’ebé moruk nian laos mai literariamente maibe iha maneira definisaun.
“livru ida ne’e ho lian Indonezia, Chega parseiru ho universitaria no asosiasaun biblioteka universidade katolika iha Indonezia, ami sei kordena took ho sira hodi tau livru iha ne’eba atu ema indonesia sira hatene uluk sa mak akontese. Livru ne’e ba ita timor transformasaun ida sa mak akontese iha maliana maibe importante ba indonesia oinsa sira hatene istória sira ne’e liu husi lee liveu sira ne’e.
Iha fatin hanesan Hakerek-nain, Abilio Soares dehan hakerek livru ne’e ho tempu naruk, ho razaun prinsipal ba nia hakerek livru ne’e atu relebra fila fali istória ne’e tamba justisa no lia loos.
“Iha livru ne’e kona ba alin Ze, nia laos funu na’in kaer kilat , nia labarik estudante nia iha talentu ba muzika guitarista, iha maliana ema barak mate maibe hau hakerek kona ba alin Ze ne’e tama artistika entaun hau hakerek atu kontinua reflete nia istória ne’e tamba joven iha talentu ida mate tamba okupasaun indonesia. Ha’u agradese ba estrutura CNC!I.P ne’ebé fo biban hau hodi hetan oportunidade ba lansamentu ba ha’u nia obra ne’e.
Livru “Janji Yang Tertingal di Gelap” ne’ebé lansa ona husi CNC!IP ne’e ho folin dolar amerikanu sanulu ($10) kada livru.
Jornalista: Gracia Soares
