Lafaek News–Emprezariu Timor-oan sira sente Orgullu hafoin partisipa iha programa One- on- one Bussiness Match hodi hetan esperiensia foun husi kompaña sira Nasaun Malázia, no Programa One-on-one Businesses Match ne’e organiza hosi Embaixada Malázia iha Timor-Leste servisu hamutuk ho Malázia External Trade Development Corporation (Matrade), hodi investe iha setor oi-oin iha rai-laran.
Diretór Preparers Group Timor-Leste, Délio Soares hateten Timor Leste sai ona membru ASEAN no bele investe setór oin-oin iha Timor inklui hala’o negósiu ho nasaun seluk hanesan Malázia no oinsá bele fan produtu Timor nian iha merkadu ASEAN.
“Hanesa Timor oan hansan Joven no setor privadu hau’ senti ida ne’e di’ak tebes tebes tanba mosu oportunidade foun liliu ba joven sira, tan ne’e ita aproveita atu nune’e ita bele hetan parseria koneksaun liu-tán nune’e saida de’it mak ita iha ita bele fan ba merkadu ASEAN,” Diretor Prepares group Délio Soares ba Lafaek news iha hotel palm spring Dili 19/11/2025.
Delio haktuir, hasoru kompanhia tolu ida ICT ne’ebe ko’alia kona-ba kria sistema dizitalizasaun ne’ebé haaree liu ba banku, hasoru mós kompaña ida kona-ba video production, sira halo produsaun ba video, no ida seluk kona-ba empreza hahán nian, halo prosesa hahan iha Malázia no sira mai hakarak hatene Produtu saida mak iha Timor fan barratu no iha fatin seluk fan karun.
“Empreza ne’ebe hala’o negosiu ho Timor oan ne’e empreza ne’ebe avansadu,no sira ne’e mós bele tulun Timor oan atu asesu kampu de Trabalho, ha’u mos fahe esperensia difikuldade empresa Timor oan nian ba sira, “Ita bele nota katak empresa sira ne’ebé mai husi Malázia ne’e sira avansadu tebes no dezenvolvidu ona, sira mai iha ne’e sira tenta atu espanda sira nia merkadu no buka parseria ho empreza Timor-oan sira atu oinsa bele estabelese negósiu iha Timor-Leste, atu nune’e bele kria kampu servisu ba Timor oan sira no kapasita mos Timor oan sira atu bele hasa’e ekonomia iha rai laran, hau mos fahe, esperensia Timor nian ba sira, no kondisaun sira,” nia reafirma.
iha fatin hanesan, Manajamentu Finansas Pouzada Hatubulico Ermera, Alexandra Aurora Araujo senti kontenti tanba bele hetan esperiénsia husi emprezas Malázia atu bele dezenvolve Guest House iha nia rain rasik.
“Ha’u kontenti tebes tanba ema sira mai iha ne’e husi kompaña bo’ot sira husi Malázia hamutuk 19 sira mai hare’e no oinsá investe iha Timor-Leste nomos koopera hamutuk ho Timor-oan sira ne’ebe iha bisnis ka kompania up 7 ho sira, ami interese liu ba kompaña ne’ebe dezenvolve ekipamentus agrikultura nian iha ne’eba sira hahú ho family business hanesan mos ho ami nian, ami nia bisnis sei ki’ik hela entaun ami mai aprende fali husi sira, husu sira nia ideia oinsá ita bele dezenvolve ita nia megósiu sai diak liu-tán,” Alexandra sublina.
Enkuantu emprezariu Timor-oan sira promete katak esperiénsia ne’ebé sira hetan iha programa One-on-one businesses match ho Emprezáriu Malázia nian sei aplika iha sira nia kompaña hodi hasa’e kresimentu empreza iha rai-laran.
Jornalista: Maria Jose/Gracia Soares
