Lafaek News—Estudante Universitáriu Timor Leste (EUTL), husu Parlamentu Nasional atu fo resposta ba akordu 25/09/2025, tenke koresponde ho povu maubere nia hakarak atu evita tensaun estudantes sira atu labele kontinua asaun demonstrasaun.
Natalino Nunes Martins nudar Portavoz EUTL, deklara katak ligadu ho akordu ne’ebe halo entre estudante (EUTL) ho parlamentu nasional nian mak tenke halakon totál lei pensaun vitalista.
“EUTL reafirma pozisaun ligado ho akordu ne’ebe halo ona entre Estudante Universiade Timor Leste ho Parlamento nasional atu halakon totalmente lei pensaun vitalista, tan ne’e, hakarak fo sai ba públiku hatene ezijensia saida mak Ita ezije ona ba parlamentu nasional hodi husu iha loron 25 ba iha debate ka plenaria revoga lei pensaun vitalista maka EUTL husu ba parlament tenki fo resposta ida tuir ezijensia povo maubere nian,” Portavos EUTL Natalino Nunes Martins ba jornalista sira iha kuarta 24/09/2025.
EUTL husu Parlamentu nasional atu deside desizaun ne’ebé tuir EUTL nia hakarak, tanba EUTL nia ezijensia tuir ezijensia kondisaun realidade moris povu kiiik sira iha baze mutik tebes, tan ne’e halakon pensaun vitalisia.
“EUTL mos husu ba publiku atu akompanha tuir media Sira hodi hatene informasaun ne’ebe se’i halakon lei pensaun vitalicia iha dia 25/09/2025, iha loron aban EUTL mos partisipa iha plenaria refere no estudante sira mos nafatin partisipa no reprezentante portavoz estudante sira mak asina ona akordu entre parlamentu nasional no EUTL atu partisipa plenaria e inklui mos povo hodi haree parlamentu nasional sira desizaun tuir eziensia povo nian ka la’e,”Nia hateten
Portavos ne’e afirma tan katak relasiona ho informasaun ne’ebe espalha iha media kona-ba Polisia Nasional Timor Leste ne’ebe apoiu Estudante Universidade Nacional Timor Leste (EUTL) ne’e la loos, EUTL husu públiku atu labele fiar lia boatus hirak ne’e, tanba PNTL nia kna’ar atu serbi povu tomak.
EUTL rona informasaun balun ne’ebe ita asesu katak ita nia demonstrasaun, pasífiku durante loron 3 iha iha resintu Kampus Sentral UNTL nian, iha deputadu balun, lider polítiku balun hatete katak PNTL)apoiu fali Estudante Universitariu Timor Leste, ida ne’e ami konsidera deklarasaun la loos ou deklarasaun falsu, tanba PNTL mai ho nia papel importante, oinsa bele neutraliza situasaun, tan ne’e parlamentu nasional labele hare’e prezensa PNTL nian iha diálogu entre EUTL no Parlamentu nasional, wainhira segundu Komandante PNTL, Pedro Belo halo diskursu iha manifestasaun nian, PN labele hare’e katak ida ne’e tendénsia ba PNTL atu apoiu manifestante sira ne’e la loos, tanba PNTL ne’e seguransa interna, atu bele defende legalidade demokrátiku,” nia hakotu.
Jornalista : Maria José de Jesus/Ana Maria
