Lafaek News—Kámara Komérsiu Indústria Timor Leste (CCI-TL sigla-Portugés), sesta 30/05/2025, šimu visita kortézia ho Embaixadór Tailándia nia delegasaun iha Timor Leste, ho objetivu diskuti kona-ba investimentu iha área Turizmu no agrikultura.
Business strategy development Sunil Jagota, haktuir objetivu prinsipal ba sorumutu atu buka baze importante iha area infrastrutura atu investe iha área hospitalidade Turizmu no agrikultura.
“Depende ba prosesu tanba sei servisu hamutuk ho ministériu sira atu hetan rai hodi loke investimentu i servisu hotu tuir baze legal, primeiru trata uluk dokumentu antes mai investe iha area ne’ebe atu investe liu-liu turizmu no setór agrikultura, tanba Timor Leste iha poténsial ba area ida ne’e,” Business strategy development Sunil Jagota ba jornalista iha Edefisiu CCi-TL Akait Dili, Sesta 30/05/2025/.
Emprezáriu ne’e mos salient katak, investimentu ne’ebé atu Loke iha Timor Loke servisu ba Jovev sira reduz numeru desempregu iha nasaun Timor Leste.
Vise Prezidente CCI-TL Herguilina Fernandes Alves, haktuir papel Kámara Komérsiu nian atu promove parseria iha Timor Leste, no-mos apoiu setor privadu sira atu haree ambiente negósiu.
“Diskusaun ohin iha konklusaun asaun follow up Adezaun Timor Leste ba Asean tempu to’o ona loke odamatan halo parseria entre nasaun asean ohin Ita hahú husi tuur iha meza halo diskusaun iha area estratéjiku iha oportunidade halo investimentu promove parseria,” nia sublina.
Tuir nia, Emprezarius hamutuk 9 mak hamutuk ho delegasaun Tailándia no Konsúl Timor, iha Tailándia promosaun ida ne’e esplora oportunidade ba investimentu iha area agrikultura liu-liu iha kafé iha mos investimentu ba area peskas nian, ko’alia mos prosesamentu ba produtu aihan nian, ikus liu mak haree liu ba importasaun no exportasaun produtu sira ne’ebé iha posibilidade husi Táilandia mai, ko’alia mos kona-ba diskusaun transferénsia iha konesimentu ne’ebé bele servisu ho empresa nasional liu-liu iha prosesamentu prođutu nian,” vise prezidente CCI ne’e argumenta.
Kámara Komérsiu Indústria Timor Leste mos adere ofisiálmente ba membru Asean hodi nune’e ohin tuur iha meza atu regula atividade negósiu iha rai-laran, tanba Timor Leste adopta merkadu livre katak kompetisaun ne’ee hahu dezde nasaun ne’e harii, ne’e la’os situasaun foun b aba Timor, maibé ho adesaun Timor Leste ba asean liu-liu Kámara Komérsiu Indústria rasik ne’ebé adere ofisiálmente ba membru Asean Back iha membru liu husi membru SIP, ida ne’e hakarak liu tur iha meza regulariza atividade ekonómiku akontese iha Timor no nasaun Asean.
Nia dehan, durante ne’e merkadu livre negósiu hotu tama mai halo atividade iha Timor, tan ne’e ohin tuur iha meza diskuti kona-ba benefisiu husi parte rua nian, maibé ho Adesaun ne’e atu formaliza no regulariza atividade ekonómika sira hotu, ho Adesaun ne’e parte hotu hetan benefisiu atividade ekonómiku iha Timor Leste.
Entretantu Kámara Komérsiu Indústria iha Timor Leste, iha asosiasaun hamutuk (23) iha mos membru honoráriu 64 empresas, inklui membru asosiasaun munisípiu 13 no agora da-daun Kámara Komérsiu mos servisu hela ba baze de dados atu rejistu empresa ne’ebé halo atividade iha Timor, la’os iha lisensa de’it iha mos lisensa real activity.
Jornalista : Moises Guterres
