Lafaek News—Sekretria Estadu Formasaun Profissional no Emprego (SEFOPE), Kinta 29/05/2025/, asina kontratu ho grupu auto empregu 15 husi munisípiu 12 inklui AREOA.
Grupu ne’ebé asina kontratu kompostu husi grupu Baldes, Ronoze, Bariudu Lao, Grihelzes, Funan, Rini-Rina Ronkulu, Joluciairenia Nofian, Nuns-Loet, Aglu Lefu, Emafefatma, Bedotochano, T3-Viegas, Bolu-Teinae, Lifau Mina-nu no Nelsoija.
Diretór Jeral Formasaun Profisonal Empregu, Carlito do Rosario Cabral hanesan Prezidente Komisaun Informa, SEFOPE asina kontartu ho prezidente autoridade munisípiu ho grupu benefisiariu programa anual fo apoiu ba grupu ne’ebé halo atividade iha munisípiu no area rurais
“SEFOPE simu proposta husi territóriu Timor laran proposta 150, kada munisípiu 150 proposta SEFOPE simu, ekipa tékniku kontas nian halo avaliasaun pre-lemináriu molok halo diskusaun iha kontas ekipa tékniku husi sekretariadu kontas halo avaliasaun proposta entre 150, proposta ne’ebé pasa hamutuk 109 ne’e husi munisípiu hotu no ida ne’e mak avansa ba diskusaun i ekipa avaliasaun durante semana 2 halo diskusaun hetan aprovasaun hamutuk 15 proposta, razaun tinan ida ne’e kontas aprova 15, tanba Ita iha limitasaun orsamentu ba programa auto empregu,” Diretor jeral professional empregu ne’e relata.
Tan ne’e SEFOPE enkoraja grupu sira ba iha nesesidade sira ne’e, SEFOPE muda konseitu auto empregu hirak ne’e, tanba tinan hirak ba kotuk liga liu ba iha ofisina rental, tinan 2 ba kotuk SEFOPE halo mudansa haree ba kada suku no postu sira nia potensialidade Iha area saida.
“Bele apoiu tan ne’e tinan ida ne’e ha’u nudar prezidente komisaun desidi no konsulta ho sekretariu estadu apoiu grupu auto-empregu sira ne’e, tanba grupu auto empregu bele muda sira ba kriasaun do empregu,” nia salienta.
Prezidente Komisaun ne’e mos husu nafatin Prezidente Autoridade munisípiu kontrola grupu atu nune’e bele hetan rezultdu di’ak iha futuru.
“Husu ba grupu atu nafatin responsabiliza apoiu ne’ebé Sefope fo ba sira, tanba ne’e tinan rua mai kotuk envolve nafatin Prezidente Autoridade munisípiu sira, tanba grupru hirak ne’e mai husi Ita boot sira nia komuniadade,” nia hakotu.
Jornalista : Moises Guterres
