Lafaek news— Movimentu Tane A’as Lian Suku Katrai-Kraik (MOTALIS) loke lian liu hosi Konferensia Imprensa hodi hatan ba lia-fuan ne’ebe hatun hosi nai-ulun administrador Postu Administrativu Letefoho munisipiu Ermera, katak sei la fo espasu atu halo diálogu ho movimentu kiik hanesan MOTALIS ne’e.
Iha konferensia imprensa portavoz Motalis Silvano de Deus reafirma, deklarasaun hosi administrador Letefoho iha ámbitu komemorasaun 20 de Maiu ba dala-23, katak sei laiha tempu ba movimentu kiik sira hodi halo diálogu, no sira konsidera diskursu ne’e laiha kompetivel iha konstituisaun RDTL artigu 41 númeru 1.
“Movimentu Tane A’as Lian Suku Katrai-Kraik diskorda totalmente ho Administrador nia diskursu ne’ebe hato’o katak, kualidade hanesan Administrador postu la fó espasu ba movimento ki’ik ida hanesan MOTALIS atu halo diálogu no movimentasaun em termus de kritika autoridade sira iha suku no postu administrativu Letefoho, movimentu ne’e ki’ik hanesan administrador nia haree, maibe nia vizaun bo’ot no estratėjiku tebes atu kontribui ba kualkuer tipu dezenvolvimentu,” portavoz Motalis Silvano de Deus liu husu konferensia insprensa, segunda 26/05/2025/.
Motalis mos Konsidera Administarador Posto Letefoho munisípiu Ermera, hala’o nia funsaun la tuir dekretu lei númeru 5/2005 ne’ebé fo liberdade ba sidadaun ida ou grupu atu hato’o prekupasaun liu husi movimentu ne’e.
“Administrador la komprimenta mos ba dekreitu lei númeru 5/2005 ne’ebe atribui kompetensia ba pessoa koleteiva ne’ebe mak iha boa voantade atu hari’i movimentu no assosiasaun sira ne’ebe ho natureza hanesan Organizasaun não Governamental ho estatuto hanesan Assosiasaun Nasional e voluntariamente sem lukrativu sem partidaria, maibe hakarak hari’i paz no estabilidade hodi kontribui ba prossesu de dezemvolvimentu nasional. Maibe laos atu halo krime”
“Administrador iha nin diskursu hateten katak la fó espassu ba movimentu ki ik hanesan MOTALIS atu labele halo Movimentasaun ein termos de ajente do kontrolu sosial iha suku katrai-kraik no Postu Administrativu Letefoho, maibe konstituisaun RDTL tuir artigo hirak ne’ebe ami sita ona iha leten kabe mos ba dekreitu lei ne’ebe mensionadu iha leten mak fö espassu ba MOTALIS atu halao nia kna’ar nu’udara ajente do kontrolu sosial kabe mos ba trës pilares akadémikas “Edukasaun, Peskiza, Dedikasaun Komunitaria, MOTALIS mai ho lema Tane’e a’as Lian ba Lian Lae’k sira nian hodi buka lia lo’os no justisa iha ne’ebe.
MOTALIS sujere administrador Letefoho tenke lé konstituisaun RDTL, lei no dekretu lei sira ne’ebe dau-daun vigora hela iha ita nia nasaun Repúblika Demokratike de Timor Leste, MOTALIS propoin nafatin administrador tenke klasifika didiak terminolojia hosi liafuan konstrusaun no alargamentu ba sosiedade bele hatene lolos.
MOTALIS atu hatete ba administrador katak alargamentu ho distánsia kilu-métro 8 hahu husi Aimeta ba Manukoliria no Baulisuria ne’e la’os konstrusaun, maibe ne’e alargamentu ka expansaun ba dalan atu luan, se konstrusaun signifika katak kompañia CCECC foin loke ka foin konstrui fali dalan ne’e, maibe estrada rural ne’e antes komunidade asesu tiha ona.
MOTALIS hakarak klarifika ba públiku relasiona ho konferensia inprensa ne ebe hala’o iha loron 8 fulan Maio tinan 2025, sita kona-ba liafuan subornu bazeia ba faktus hanesan tuir mai, fatuk ida Asdan ne’e xefe suku katrai-kraik nia kompañia join venture ho Kompañia CCECC hodi fahe persentajen kompañia lokal mak Katrai Unp.Lda. ne’e xefe suku nian kompañia hetan 51% kompañia internasional CCECC hetan 49%, MOTALIS orgullu ho kompañia CCECC ne’ebe rekoiñese irregularidade iha akordu anterior, depois iha dia 22 de Maio de 2025 mais ou menus tuku 05 OTL, kompañia refere hamutuk ho padre pároko no vigáriu paroquia Letefoho tun diretamenta ba fatin alargamentu hodi esplika ba autoridade lokal no veteranos inklui komunidade iha fatin alargamentu area manukoliria nian, kompañia CCECC konkorda ona atu revee fila-fali hodi sita ezijensia hirak ne’ebeMOTALIS propoin atu anexa mos iha akordu revizaun ne’e.
Jornalista : Moises Guterres
