Lafaek News— Sekretario Estado Administrasaun Finansas do Patrimonio do Ministerio das Relações Exteriores da Repúblika de Angola e chefe da Delegação, Osvaldo dos santos Varela, ofisialmente hala’o vizita iha muzeu rejistensia Timor Leste, loron 05/05/2025 hodi haree kona-ba prosesu libertasaun Timor Leste nian.
Tuir Diretor Ezekutivu Muzeo Rejistensia Timor Leste, Jorge Alves, esplika vizita ida ne’e importante tebes, tanba ohin 5 de Maio sai hanesan loron memorandu ida hodi rezolve povu Timor Leste nia problema.
“Ita hatene ona katak Angola nasaun ne’ebe mos hola parte ba iha CPLP iha prosesu ba libertasaun nasional ita nia lider barak mos ba iha Angola, durante tempu naruk sira fo apoiu ba Timor Leste nia prosesu ba libertasaun nasional, sira nia vizita ida ohin vizita espesial, tanba ohin loron 5 de Maio loron ida ne’ebé mos espesial ba Timor leste, Indonesia no portugal hetan aseitasaun ou konkorda malu asina memorandu hodi bele resolve problema Timor nian, vizita amigos sira ne’ebé husi Angola importante mos ba Timor Leste, tanba ita hatene katak CPLP ne’e iha nasaun lubuk mak hola parte iha laran ne’ebe Timor-Leste,” Diretor MRT Jorge Alves ba Lafaek News Iha muzeu Rejistensia Dili, segunda 05/05/2025.
Iha fatin hanesan, Sekretario Estado Administrasaun Finansas do Património do Ministério das Relações Exteriores da Repúblika de Angola e chefe da Delegação, Osvaldo dos Santos Varela, haktuir muzeum rejistensia sai hanesan fatin istóriku ba povo Timor oan sira ba iha prosesu Ukun Rasik-An.
“Ha’u nia onra boot ida ba Ita bot sira atu vizita muzeu rejistensia nian, tamba ita nia hisťoria fo rezultadu no ita oportunidade atu haree momentu emosional sira ne’ebé trata Koná ba luta povu Timor oan nian ba nia liberdade no independénsia ba nia aseitasaun iha area internasional nudar nasaun-independente, maibé istória ida ne’ebé determina ho rejistênsia povu Timor atu luta ba iha auto-determinasaun ba iha ukun an,” Sekretáriu Estado Angola Osvaldo dos Santos Varela.
Iha vizita ne’e husi embaxiada Angola mak hanesan Osvaldo dos Santos Varela, hanesan Sekretario Estado Administrasaun Finansas do Patrimonio do Ministerio das Relações Exteriores da Repúblika de Angola e Chefe da Delegação, inklui José Andrade Lemos hanesan Embaixada de Angola em Timor Leste,
Florênsio de Almedia hanesan embaxiador Angola Indonesia. Daniel Antonio Rosa hanesan embaixador de Angola Filipinas, Sandra Teresa Fereira dos Santos hanesan Ministra Conseleira da Embaixada da Angola em Timor-Leste no Isau Sulano Boco hanesan Ministério Conselhero da Embaixada Angola China.
Jornalista:Maria José/Jonaida Corte Real
