Lafaek News–Asosiasaun Esperansa Tane Futuru realiza seremonia fahe sertifikadu promosaun English Kids ba estudantes ba etapa dahuluk hamutuk 21, inklui ho formandus TBC nain 7.
Prezidente ( AETF), Mauricio Guterres Qitu, ba jornalista sira dehan, nia parte fo hanoin ba inan-aman sira tau antensaun labarik ba English Kids Tanba kada fulan Asosiaaaun Esperensia ba Futuro nafatin halo avaliasaun ba labarik sira inklui estudante ne’ebe sofre moras TBC.
“Ho razaun saida mak sentru AETF, nafatin estabelese iha Bebonuk, tanba ida ne’e ho ami nia interese katak, ami mos iha Saúde báziku (TBC), oinsá atu asiste ita nia komunidade sira, tanba ita haree iha populasaun barak mak seidauk asesu ba iha informasaun mak hanesan moras, matan tilun.no seluktán,” Mauricio ba jornalista sira iha edefisiu English Kids Bebonuk sabadu liu ba.
Sentru AETF nafatin mantein iha Suku Bebonuk hodi kontinua rejistu lingua English kids no báziku Saúde TBC, lingua portuguese, Japan,no Korea.
Iha biban ne’e Diretor Ezekutivu Aliansa Nasional kombate Infantesidu ( ANCI-TL), José Turkey Komenta katak, agora tempu adaptasaun ba mundo teknolojia, tanba ne’e persija estabelese labarik sira atu aprende lingua, nune’e ba futuru bele kompete iha formasaun sira ne’ebe governu Liu Hosi SEFOPE Prepara nunee bele ba buka moris iha nasaun Korea Austrália no seluktan
“Tan ne’e mak ha’u hanesan pasa informasaun importante ida atu oinsa ita atu investe ba ita nia alin sira, tanba iha nasaun barak ita fo prioridade barak investimentu ba iha labarik sira, dala barak ema bolu labarik sira mak xave ba iha rekursu umanus, tan ne’e ita ema ne’e xave ba iha dezenvolvimentu,” José Turkey sublina.
Entretantu liu hosi formasaun ne’ebé Asosiasaun Esperensa Tane Futuru oferese ba Labarik estudante sira ho esperansa katak, estudante sira bele iha koñesimentu no iha ablidade diak hodi bele kompete ho ema seluk liu-iu buka moris atu garante sustentabilidade iha familia.
Jornalista : Natalia de Jesus
