Lafaek News—Relasiona ho deklarasaun hosi Ministru Ensinu Superior Siénsia no Kultura IX Governu Konstitusional katak governu la presiza Universidade da Paz, tan ne’e Dekanu Fakuldade Ekonomia UNPAZ, Caetano Cárseres Coreia husu Ministru atu husu deskulpa ba UNPAZ no públiku.
Dekanu Fakuldade Ekonomia Universdade da Paz, Caetano Cársere Coreia, iha konferénsia imprensa sábadu 03/05/2025, ba jornalista sira dehan ministru ensinu superior tenke husu deskulpa ba UNPAZ ho deklarasaun ne’ebé hateten governu la presiza UNPAZ.
“Universidade da Paz hala’o konferensia imprensa hodi hatan ba desizaun governu liu hosi deklarasaun Ministru Ensinu Superior, nune’e UNPAZ halo klarifikasaun nakloke liga ho desizaun governu nian ne’ebe halo suspensaun abertura ba programa estudu foun no deklarasaun hosi Ministru Ensinu Superior, ne’ebé deklara katak governu la presiza UNPAZ,” Caetano sublina.
Dekanu fakuldade Ekonomia UNPAZ ne’e argumenta, nudar instituisaun ensinu superior ne’ebé harii dezde 2004, fo ona kontribuisaun ba dezenvolvimentu rekursu umanu iha Timor Leste, ami sente, ami sente nesesidade atu hatan a polítika noa deklarasaun hirak ne’e atu nune’e mantein naran diak insituisaun no importante liu mak fornese informasaun ne’ebe ekelibriu ba públiku
Nia dehan, deklarasaun ofisial UNPAZ ho fakuldade hirak ne’ebe harii ona hosi tinan 2004 too ohin loron UNPAZ fo ona nia kontribuisaun maka’as, ba iha instituisaun publiku no privadu sira iha Timor Leste, UNPAZ fo ona graduasaun ba estudantes rihun ba rihun hosi méritu oi-oin, barak mak hala’o ona knara iha setor privadu, publiku, sosiedade sivil no military ih aria laran inklui iha rai liur, Públiku hatene katak ezistensia UNPAZ atu hatan ba ezitensia edukasional hosi sosiedade ho klase media, inferior sira ne’ebe dala barak la hatan atendimentu hosi Sistema edukasaun publiku nian.
Abertura programa estudu foun atu responde ba povu maubere nia oan sira iha Timor Leste, unpaz tuir ona prosedimentu no rekezitus ne’ebe fo sai hosi Ministériu Ensinu Superior, programa barak ne’ebe UNPAZ hatoo too ohin loron seidauk hetan resposta hosi Ministeriu Ensinu Superior, no oras ne’e budu hela director Jeral MESSK nia gaveta, planu hotu-hotu atu loke programa estudu foun iha Universidade da Paz bazea ba análiza ba nesesidade local dezenvolvimentu iha mundu servisu no ezijensia global no sempre tuir prosedimentu no padraun akreditasaun ne’ebé universidade estabelese.
Ho hanoin hirak ne’e, UNPAZ preukupa ho polítika Ministériu Ensinu Superior ho deklarasaun balun ne’ebe la konstrutivu hosi Ministru Ensinu Superior, katak governu la presiza UNPAZ, ami deklara katak ba deklarasaun ne’e kontra produtivu ba espiritu kolaborasaun ba setor privadu no mos setor publiku iha mundu edukasaun no estraga moral komunidade no academia em jeral liu-liu UNPAZ ne’ebe durante servisu makas ba dezenvolvimentu ba nasaun no sosiedade ho professional.
Tan ne’e, Ami ezije katak Ministru Ensinu Superior tenke loke espasu ho universidade hodi hala’o avaliasaun nakloke justu no bazeia dadus suspensaun aberta ba programa estudu foun, molok foti desizaun MInistru Ensinu Superior tenke konsidera no rona mos hanoin sira mai hosi konsellu reitor universidade privadu sira nune’e labele monopolio polítika akademika no rezolusaun suspende programa estudu foun, Ministru Ensinu Superior tenke fo esklaresimentu nakloke kona-ba deklarasaun hirak ne’ebé sirkula barak iha media katak, governu la presiza UNPAZ.
Estatementu Ministru Ensinu Superior Siénsia no Kultura katak governu la presiza UNPAZ, ami ezije Ministru Ensinu Superior Siénsia no Kultura atu husu deskulpa ba UNPAZ espesialmente ba publiku em jeral iha loron lima nia laran, hahu hosi loron konferénsia imprensa ida ne’e, karik laiha resposta mak UNPAZ sei hala’o asaun pasifiku hodi defende entidade social akadémiku
Hanesan universdade ne’ebe moris iha espiritu dame no liberdade, UNPAZ nafatin kompremisiu atu fornese edukasaun ne’ebé baratu, maibé kualidade aa atu bele responde ba nesesidade ohin loron nian, ami afirma katak nasaun doben ida ne’e sei progresu wainhira Ministériu Ensinu Superior no universidde sira hotu hamutuk ho konsellu reitoral sira no reprezentante ida ne’e apresiasaun ida-idak nia papel,
Jornalista : Natalia de Jesus
