Lafaek News—Ministériu Edukasaun, segunda (01/04/2025), fo posse ba professores ne’ebé liu hui rekrutamentu da-haat nian hamutuk 206 hodi koloka ba munisípiu 5 kompostu husi munisípiu Ermera, Manufahi, Likisá, Dili no Covalima.
Ministru Edukasaun Interinu Domingos Lemos Lopez esklarese katak, termu aseitasaun entre ME ho profesóres rekrutadu total 206, bolsa kandidatu ba faze da-haat atu bele prienxe ba munisípiu hirak ne’ebé menus manorin.
“klaru sira konkorda ona ho desizaun ne’ebé iha ona, tan ne’e ohin sira mai aseita ona ho posse ne’e, tan ne’e nu’udar sidadaun Timor husu professores sira ou manorin na’in sira koloka ona ba iha fatin sira ne’ebé mak destinadu ne’e munisípiu sira ne’e hotu tenke kontribui dedika sira nia an atu bele lori ita nia ki’ikoan sira iha ita nia rain,” Ministru Edukasun Interinu Domingos Lemos Lopez hato’o asuntu ne’e ba jornalista sira iha salaun INFORDEPE Balide hafoin remata serimónia posse, segunda (01/04/2025).
Governante akresenta, naturalmente Ministériu Edukasaun identifika estudante sira kona-ba diploma kada tinan, tanba bebeik ona estudante husi Ensinu Sekundaria barak la tuir ezame nasional tanba klafifikasaun ba dokumentu no agora iha hela faze investigasaun.
“Ita la’os foin ohin mak ita identifika estudante sira kona-ba diploma ne’e tinan kotuk mos hanesan Ensinu Sekundaria, 100 estudantes la tuir exame nasional, tanba klasifikasaun ne’e agora iha prosesu hela ne’ebé balu la konsege to’o lakon tiha de’it, maibé sira ne’ebé klasifikasaun ba dokumentu nasaun nian ne’e tama iha faze de investigasaun agora la’o hela,” nia sublina.
Tuir governante ne’e katak, sorin seluk Ministériu Edukasaun liu hosi inspesaun jerál foti ona dadus kona-ba oinsá fasilita eskola hotu iha territóriu bele uza hotu uniforme, tan ne’e Ministériu Edukasaun nafatin advokasia ho kompania sira atu produs ona uniforme sira ne’e.
” Ami informa ona ba iha inspeksaun jerál, agora sira foti hela dadus sira halo ona sira nia servissu no inspektur sira iha ne’eba, seidauk finaliza, finaliza depois mak ita boot sira klarifika, uniforme ne’e sosializasaun la’o nafatin hela, eskola balun mos sira la’o tiha ona, eskola balun farda uza tiha ona farda ne’e, eskola territóriu tomak seidauk uza hotu ne’ebé ita la presija atu hatete ida ne’e, más ita la presija atu htete eskola ne’ebé más maioria seidauk, agora faze ne’ebé sira loby hela ho kompania sira atu bele produs ona farda sira ne’e,” dehan nia.
Entretantu, uniforme ne’ebé sei produs oin rua ida ba estudante sekundária no uniforme regular ba Eskola Téknika Vokasional (ETV) ho presu ne’ebé kaman kompara ho tinan hirak liu ba presu as liu.
Jornalista Magan : Fátima S. das Dores
Editor : Agapito de Deus
